Ўзбекистон терма жамоаси ИОИ 2026да тўрт медал олди

Ўзбекистон терма жамоаси ИОИ 2026да тўрт медални қўлга киритди

Тошкентда бўлиб ўтган 38-халқаро информатика олимпиадаси (ИОИ 2026) якунларига кўра, Ўзбекистон терма жамоаси тўртта медал билан қайтди.

Миллий терма жамоа тарихида илк бор барча тўрт нафар иштирокчи совриндор бўлишга муваффақ бўлди. Улар жами битта кумуш ва учта бронза медални қўлга киритдилар.

Кумуш медал Муҳаммад ал-Хоразмий номидаги мактабнинг 9-синф ўқувчиси Жоҳанали Ҳайдаралиевга насиб этди.

Бронза медаллар эса қуйидаги ўқувчиларга топширилди: Нукус шаҳридаги Президент мактабининг 11-синф ўқувчиси Тимур Қодирбергенов, Наманган шаҳридаги Президент мактабининг 11-синф ўқувчиси Улуғбек Раҳматуллаев ва шу мактабнинг 10-синф ўқувчиси Жаҳонгиршоҳ Авазхонов.

Шунингдек, Навоий шаҳридаги Президент мактаби ўқувчиси Сардорбек Салимов "Фахрий эътироф" мукофоти билан тақдирланди.

Бу тарихий натижа ўқувчиларнинг кўп йиллик машаққатли тайёргарлиги, уларнинг устозлари меҳнати ҳамда мамлакатда иқтидорли ёшларни қўллаб-қувватлашга қаратилган рақамли таълим соҳасидаги ислоҳотларнинг самараси ҳисобланади.

Ўзбекистонлик ўқувчиларнинг Тошкентда ўтказилган ушбу халқаро олимпиададаги муваффақиятли иштироки информатика бўйича миллий терма жамоанинг энг муҳим ютуқларидан бири бўлиб, мамлакат ёш дастурчиларининг келажакдаги халқаро мусобақалардаги иштироки учун мустаҳкам замин яратди.