Ўзбекистон металлургия саноати 6 ойда 183 трлн сўмдан ошди
Ушбу тармоқнинг асосий қисми 2 та ҳудуд ҳиссасига тўғри келди
Ўзбекистон металлургия саноати 2026-йилнинг дастлабки олти ойида 183 триллион сўмдан ортиқ ҳажмга эришди.
Миллий статистика қўмитаси томонидан тақдим этилган маълумотларга кўра, 2026-йилнинг январидан июнгача бўлган даврда Ўзбекистонда металлургия саноатининг умумий ҳажми қарийб 183 триллион сўмни ташкил этган.
Бу натижа 2025-йилнинг шу даврига нисбатан 1,3 фоизга ўсишни кўрсатади. Саноат ишлаб чиқаришининг асосий улуши Навоий ва Тошкент вилоятлари ҳиссасига тўғри келган.
Хусусан, Навоий вилоятида металлургия саноати ҳажми 120,7 триллион сўмга етган бўлса, Тошкент вилоятида 44,9 триллион сўмлик маҳсулот ишлаб чиқарилган.
Тошкент шаҳрида металлургия саноати ҳажми 10,3 триллион сўмни ташкил этган. Самарқанд вилоятида эса 4,8 триллион сўмлик маҳсулот ишлаб чиқарилган.
Бошқа вилоятларда ҳам сезиларли кўрсаткичлар қайд этилган: Наманганда бу рақам 659,8 миллиард сўм, Сирдарёда 621,4 миллиард сўм, Жиззахда эса 262,6 миллиард сўм бўлган.
Фарғона вилоятида металлургия саноати ҳажми 236,7 миллиард сўм, Бухорода 185,4 миллиард сўм, Сурхондарёда эса 126 миллиард сўмни ташкил этган.
Қорақалпоғистон Республикасида 67,8 миллиард сўм, Андижонда 42,6 миллиард сўм, Хоразмда 26,8 миллиард сўм ва Қашқадарёда 16,6 миллиард сўмлик металлургия маҳсулотлари ишлаб чиқарилган.