Ўзбекистон Макка шаҳрига йўналтирилган дрон ҳужумини қоралади
Кескинликни камайтириш, можарони тарқалишининг олдини олиш ҳамда минтақада тинчлик, хавфсизлик ва барқарорликни таъминлашга қаратилган саъй-ҳаракатларни
Ўзбекистон Макка шаҳрига қаратилган дрон ҳужумини қоралади
Ўзбекистон Республикаси Ташқи ишлар вазирлиги Саудия Арабистони Подшоҳлигидаги муқаддас Макка шаҳрига йўналтирилган учувчисиз учиш аппарати ёрдамидаги ҳужумга уринишни кескин қоралади. Бу ҳақда ТИВ баёнотида маълум қилинди.
"Саудия Арабистони Подшоҳлиги билан тўлиқ бирдамлигимизни билдирамиз ҳамда муқаддас қадамжолар, тинч аҳоли ва фуқаролик инфратузилмасига таҳдид солувчи ҳар қандай ҳаракатларни номақбул деб ҳисоблаймиз.
Барча томонларни максимал даражада вазминлик намоён этишга, халқаро ҳуқуқ нормаларига қатъий риоя қилишга, давлатларнинг суверенитети, мустақиллиги ва ҳудудий яхлитлигини ҳурмат қилишга чақирамиз", дейилади расмий баёнотда.
Кескинликни пасайтириш, можаронинг кенгайиб кетишининг олдини олиш ҳамда минтақада тинчлик, хавфсизлик ва барқарорликни таъминлашга қаратилган саъй-ҳаракатларни қўллаб-қувватлаш билдирилди.
Аввалроқ Саудия томони Ямандаги ҳусийлар гуруҳи Макка шаҳри томон дрон учиргани ҳақида баёнот берганди.