ОТП Гроуп Европанинг йирик банклари рейтинги ва Форбесънинг дунё бўйича топ 10 талигидан ўрин олди
Ипотека банкъни ўз ичига олган ОТП Гроуп дунёнинг йирик банклари орасида топ 10 талигидан ўрин олди. Натижа гуруҳнинг молиявий барқарорлиги ва фаолият самарадорлиги халқаро рейтингда юқори баҳоланганини кўрсатди.
ОТП Гроуп Форбесънинг Ворлдъс Топ Перформинг Банкс 2026 рейтингида йирик банклар тоифасида Европа банклари орасида биринчи ўринни эгаллади ва глобал рейтингда топ 10 таликдан жой олди.
Йирик банклар тоифасига жами активлари 100−500 миллиард долларни ташкил этадиган 56 та молиявий ташкилот киритилган. Форбес ва Статиста ҳамкорликда тузган ушбу рейтинг банкларни бир неча йил давомида ўсиш, рентабеллик, капитал, молиялаштириш ва активлар сифати каби молиявий кўрсаткичлар асосида баҳолайди.
“Ушбу эътироф ОТП Гроуп тезкор ўсиш, юқори рентабеллик ва узоқ муддатли барқарорликни уйғунлаштира олиш қобилиятини тасдиқлайди. Айнан мана шу мувозанат кўп йиллардан бери стратегиямизнинг асосини ташкил этиб келмоқда”, — деди ОТП банк бош директори Петер Чани.
ОТП Гроуп Марказий ва Шарқий Европадаги етакчи банк гуруҳларидан бири, шунингдек, минтақадаги энг тез ривожланаётган банк гуруҳларидан биридир. Гуруҳ ҳозирда 11 та мамлакатда, жумладан, Ўзбекистонда фаолият юритади. Ўзбекистонда гуруҳ таркибига Ипотека банк ОТП Гроуп киради. Банк мамлакат банклари орасида кетма-кет иккинчи чорак давомида фойда бўйича етакчилик қилмоқда. Биринчи ярим йил якунларига кўра, МҲХС бўйича соф фойда 1,24 трлн сўмни ташкил этди, бу ўтган йилнинг шу даврига нисбатан 43% га кўп.
Форбес томонидан берилган ушбу янги эътироф ОТП Гроупънинг навбатдаги халқаро ютуғидир.
Аввалроқ 2026-йилда гуруҳ Форбес Глобал 2000 рейтингига кўра дунёнинг 400 та энг йирик компанияси қаторидан жой олган эди. Бундан ташқари, С&П Глобал Маркет Интеллигенсе томонидан тайёрланган Европа банкларининг сўнгги самарадорлик рейтингида ОТП Гроуп кетма-кет учинчи йил Европанинг энг самарали икки банки қаторидан жой олди.
Ипотека банк ОТП Гроуп — Ўзбекистондаги етакчи банклардан бири бўлиб, 2023-йилдан буён Марказий ва Шарқий Европадаги етакчи банк гуруҳларидан бири бўлган ОТП Гроуп таркибига киради. Банк хизматларидан 1,5 миллиондан ортиқ чакана ва корпоратив мижозлар фойдаланади. Ривожланган банк тармоғи мамлакат бўйлаб 39 та филиал ва 52 дан ортиқ мижозларга хизмат кўрсатиш нуқталарини ўз ичига олади.
Ипотека банк ОТП Гроуп Ўзбекистон ипотека бозорида етакчи ўринни эгаллайди ва активлар бўйича бозорнинг 6% улушига эга бўлган Ўзбекистондаги олтинчи йирик банк ҳисобланади. ОТП Гроупънинг халқаро тажрибасига таянган ҳолда, банк мижозларни узоқ муддатли қўллаб-қувватлашга қаратилган ечимларни изчил ривожлантириб бормоқда. Бу уларга молиявий маблағларини ишонч билан бошқариш ва ҳар бир босқичда барқарорликни ҳис қилишга ёрдам беради.