Оқ уй Microsoft компаниясини хорижлик ишчиларни ёллаш дастуридан тўсиб қўйди

Оқ уй Microsoft компаниясини хорижлик ишчиларни ёллаш дастуридан тўсиб қўйди

Оқ уй халқаро ишчилар ва иммиграция ҳақида тез-тез кенг қамровли баёнотлар бериб келади.

Оқ уй Microsoft ва бир қанча бошқа технологик компанияларга кенг қўлланиладиган виза дастури орқали малакали хорижлик ишчиларни доимий асосда ишга ёллашни тақиқлади.

Пайшанба куни вице-президент ЖД Вэнс Microsoft ва бошқа фирмаларни H1b виза дастури ва чет эллик ишчиларнинг АҚШ доимий резиденти бўлиши учун тегишли йўналиш билан боғлиқ фирибгарликда айблади.

Вэнснинг айтишича, АҚШдаги энг қиммат компаниялардан бири бўлган Microsoft америкалик ишчиларни амалда «хорижлик қарам хизматкорлар»га алмаштириб келмоқда.

Microsoft ўтган молиявий йил давомида топширган H1b визаларининг аксарияти маҳаллий ходимлар билан бир хил маош оладиган амалдаги ходимлар учун бўлганини маълум қилди.

«АҚШда ҳеч бир компания бу тизимни Microsoft каби суиистеъмол қилмаган», деди Вэнс.

У Adobe, Cognizant, Infosys, Tata, Wipro, HCL ва Capgemini компанияларига нисбатан ҳам шунга ўхшаш айбловларни илгари сурди.

Худди шу конференцияда Меҳнат вазири Кит Сондерлинг АҚШ ҳукумати Microsoft ёки бошқа еттита компаниядан келиб тушган янги ёки кўриб чиқилаётган Доимий меҳнатни сертификатлаш дастури (PERM) аризаларини қайта ишламаслигини айтди.

Сондерлингнинг сўзларига кўра, Microsoft каби компаниялар АҚШ университетлари билан биргаликда АҚШни хорижлик ишчилар билан «тўлдириб юбораётган» «виза тегирмонлари»га айланган.

PERM жараёнидан ўтмоқчи бўлган ҳар бир киши учун зарур шарт бўлган H1b визаларининг умумий сони чекланган

Мисрософт вакили ББС'га «Microsoft компаниясининг Америка Қўшма Штатларидаги ходимларининг мутлақ кўпчилиги америкаликлардир» деб айтди. Компания бутун дунё бўйлаб 200 000 дан ортиқ ходимга эга.

Вэнс пайшанба куни Microsoft худди шу давр ичида 6000 га яқин ишчини ишдан бўшатгани ва 6800 та H1b визаси учун ариза топширганини айтди. У бу компания маҳаллий ишчиларни алмаштириш ва уларнинг иш ҳақини «пасайтириш» учун хорижлик ишчилардан фойдаланаётганини кўрсатишини таъкидлади.

Microsoft вакилининг сўзларига кўра, компания ўтган молиявий йил давомида топширган H1b виза аризаларининг 80 фоизи янги ишга қабул қилинганлар эмас, балки аллақачон Microsoft'да ишлаётган ходимлар учун бўлган.

Унинг қўшимча қилишича, Microsoft компанияси H1b виза дастури орқали ишга қабул қиладиган халқаро ишчиларга АҚШдан келган ишчи оладиган миқдорда маош тўланади.

Кўплаб технологик фирмаларга чет элдан малакали ишчиларни ёллаш жараёнида ёрдам берадиган Ellis компаниясининг маълумотларига кўра, ўртача иш ҳақи

«Биз Администрацияга қўшимча маълумотларни тақдим этишни интиқлик билан кутамиз», деди Microsoft вакили.

Microsoft компаниясининг кўп йиллик бош директори Сатя Наделла пайшанба куни Оқ уйда Президент Дональд Трампдан технологик инновациялар учун янги медални қабул қилиб олиш учун ҳозир бўлди.

Наделла Оқ уйнинг яқинда бўлиб ўтган бошқа тадбирларида ҳам иштирок этди, жумладан, сунъий интеллект бўйича тушлик ва Хитой Президенти Си Цзиньпин шарафига берилган давлат қабулида қатнашди.

Шунга қарамай, Microsoft пайшанба куни Вэнс танқидининг нишонига айланди.

«Мисрософт'га йўллаган мурожаатимиз жуда оддий: Сиз буюк Америка компаниясисиз, буюк америкалик ишчиларни ёллашингиз керак. Сиз америкалик ишчиларни ишдан бўшатиб, кейин уларнинг ўрнига хорижлик қарам хизматкорларни қўя олмайсиз», деди Вэнс.

Унинг айтишича, у чет эллик ишчилар учун бу иборани ишлатган, чунки агар улар визасига ҳомийлик қилган компания томонидан ишдан бўшатилса, АҚШни «тарк этишлари керак».

Одатда, бундай ишчи бундай вазиятда 60 кунлик имтиёзли даврга эга бўлади. Ўтган ойда АҚШ ҳукумати бекор қилишни таклиф қилди

АҚШдаги ҳар бир йирик технологик компания, жумладан Amazon, Google, Meta, Apple, Nvidia ва бошқалар кўп йиллардан буён H1b виза дастури орқали халқаро ишчиларни ёллаб келмоқда.

Пайшанба куни Вэнснинг нутқида ушбу компанияларнинг ҳеч бири тилга олинмади.

Ўнлаб йиллар давомида ушбу дастур компанияга керак бўлган, аммо мамлакат ичидан топиб бўлмайдиган ёки ёллаб бўлмайдиган юқори малакали ёки ихтисослашган ишчилар учун мўлжалланган.

PERM дастури бундай ишчиларнинг АҚШ доимий резиденти бўлиши учун йўналиш бўлиб, кўпинча уларга АҚШда чекланмаган муддатда қолиш ва ишлаш имконини берувчи Грин Карта олишга олиб келади.

Ўтган молиявий йил давомида АҚШ Меҳнат вазирлиги сертификатлади