Онкопациентлар зарур ёрдамни ўз вақтида олишлари керак — Тиббий суғурта жамғармаси
Онкологик пациентлар зарур тиббий ёрдамни ўз вақтида олишлари керак, деб баёнот берди Давлат тиббий суғуртаси жамғармаси. Жамғарма Тошкентда даволаниш учун электрон имтиёзли йўлланмалар жорий этилганидан кейин юзага келган қийинчиликлар бўйича пациентларнинг «Газета»да эълон қилинган шикоятларига шундай муносабат билдирди.
Онкопациентлар зарур ёрдамни ўз вақтида олишлари керак — Тиббий суғурта жамғармаси
«Онкологик пациентларга зарур тиббий ёрдамни ўз вақтида кўрсатиш лозим. Электрон йўлланмалар тизими даволаш жараёнини мураккаблаштириш учун эмас, балки тиббий хизматларни ташкил этишнинг белгиланган тартибини, уларни молиялаштиришнинг ҳисоби ва шаффофлигини таъминлаш учун жорий этилган», — дейилади жамғарма баёнотида.
Жамғармада таъкидланишича, у тиббиёт ташкилотларига амалда кўрсатилган тиббий хизматлар учун (даволаш якунланганидан кейин) тегишли тиббий ҳужжатлар, шартнома шартлари ва тасдиқланган базовий нархлар асосида ҳақ тўлайди.
«Молиялаштиришнинг белгиланган тартиби даволанишни кечиктиришни ёки пациентни зарур тиббий ёрдамдан маҳрум қилишни назарда тутмайди», — дея қайд этди жамғарма.