Олтин нархи пасайди
Жаҳон бозорларида олтин нархининг пасайиши қайд этилди. Қимматбаҳо металл қиймати 0,3 фоизга камайиб, бир унция учун 4275 долларни ташкил этди.
Котировкалар АҚШ Федерал захира тизимининг пул-кредит сиёсати қаттиқлашиши кутилаётгани фонида пасаймоқда. Reuters хабарига кўра, трейдерлар доллар курсининг тебраниши, Яқин Шарқдаги нефть ва энергия ташувчилар етказиб бериш соҳасидаги хавф-хатарлар, шунингдек, АҚШ Конгрессига сайловлар арафасида регулятор фоиз ставкаларини узоқ вақт давомида юқори даражада ушлаб туриши мумкинлигига эътибор қаратмоқда. Одатда, фоиз ставкаларининг ошиши даромад келтирмайдиган қимматбаҳо металларнинг жозибадорлигини камайтиради. Инфляция хавфлари ҳам инвесторларга қўшимча босим ўтказмоқда. Август ойида ушбу кўрсаткич йиллик ҳисобда деярли 3,5 фоизга етди.
Олтин ортидан кумуш ҳам арзонлашди. Унинг қиймати 0,8 фоизга пасайиб, бир унция учун 64 долларни ташкил этди.