Океанда чўкмай қолган Старшип 75 кундан сўнг Техасга қайтди
Ҳинд океанига қўнганидан кейин сув юзасида қолган СпасеХънинг Шип 40 космик кемаси Техасга қайтарилди. Старшип тизимининг юқори босқичи бўлган аппаратни Форте оғир юк ташувчи кемаси 7-октабр куни Браунсвилл портига олиб келди.
Океанда чўкмай қолган Старшип 75 кундан кейин Техасга қайтди
Шип 40ънинг сафари 24-июлда бошланган: Старшип транспорт тизими СпасеХънинг Техасдаги космодромидан учирилган эди.
Парвознинг асосий вазифаларини бажаргач, аппарат бошқариладиган тарзда атмосферага қайта кириб, Ҳинд океанига қўнган. Аммо кутилганидек парчаланиб ёки тезда чўкиб кетмаган — у сув юзасида қолиб, оқим бўйлаб силжишда давом этган.
Космик парвоз ва сувга қўнишдан кейин сақланиб қолган аппарат компания учун қўшимча ўрганиш имконини яратган. СпасеХ уни қуруқликка қайтаришга қарор қилган.
Муҳандислар Шип 40ъни текшириш орқали унинг конструксияси атмосферага қайтиш ва океанга қўниш жараёнларини қандай ўтказганини батафсил ўрганиши мумкин.
Шип 40 ярим чўкувчи Форте оғир юк ташувчи кемасига ортилган. Бундай кема юк олиш вақтида палубасини қисман сув остига туширади. Юк палуба устига келтирилгач, кема яна кўтарилиб, уни сувдан чиқаради.
Форте аппаратни Ҳинд океани орқали олиб ўтиб, Африкани айланиб ўтган ва Атлантика океани орқали Техасга етказган.
24-июлдаги парвоздан 7-октабрда Браунсвилл портига қайтишгача тахминан 75 кун ўтган. Бу муддат аппаратнинг океанда қолиши, уни олиб чиқиш ва денгиз орқали ташиш жараёнларини қамраб олади.
Шип 40 портдан СпасеХънинг Старбасе — «Юлдузли база» мажмуасига олиб борилади. У ерда аппарат парвоздан кейинги текширувлардан ўтказилади.