СпасеХ биринчи марта Ер орбитасига Старшип кемасини олиб чиқди

СпасеХ илк бор Старшип кемасини Ер орбитасига олиб чиқди

ББС хабарига кўра, бу Старшип кемасининг 14-синов парвозидир. Бунгача амалга оширилган барча парвозлар суборбитал бўлган, яъни кема фазога чиққан, бироқ барқарор орбитага чиқиш учун етарли тезликка эриша олмаган ёки у ерда етарлича узоқ қолмаган.

Учиришдан кейинги илк дақиқаларда ҳаммаси режа асосида кечди. Старшипнинг юқори поғонаси Супер Ҳеавй тезлаткичидан ажралди, тезлаткич эса қисқа вақт ўтиб Мексика кўрфазига муваффақиятли қўнди.

Аммо учирилгандан 18 дақиқа ўтгач, двигателлардан бири кутилмаганда ўчиб қолди, бу эса жамоани кемани орбитага олиб чиқиш режасидан воз кечишга мажбур қилиши мумкин эди. Шунга қарамай, бир неча дақиқадан сўнг СпасеХ мутахассислари вазият қайта баҳоланганини ва парвозни давом эттиришга рухсат берилганини билдирди.

Мексикадаги космодромдан учирилганидан ярим соат ҳам ўтмай, Старшип тарихда илк бор Ер орбитасига чиқди. Шундан кейин у коинотга барча 26 та Старлинк В3 сунъий йўлдошини муваффақиятли олиб чиқди.

Старшип ўн соатлик парвоз давомида Ер атрофида қарийб олти марта айланиб, сунъий йўлдошларни орбитага жойлаштириши, сўнг Тинч океанига, Чили қирғоқларидан ғарб томонга қўниши кутилмоқда.

Старшип — Илон Маскнинг СпасеХ компанияси томонидан ишлаб чиқилган космик кема ва ракета ташувчидир.

Маск Старшип тизимнинг тўлиқ қайта ишлатилиши туфайли космик парвозларда инқилоб қилишига ишонади.

СпасеХ Старшип кемасини «шу пайтгача яратилган энг кучли ракета ташувчи» деб таърифлайди. Келажакда у одамлар ва юкларни «Ер орбитасига, Ойга, Марсга ва ундан узоққа» етказиши керак.

Тизим иккита асосий қисмдан — Старшип космик кемаси ва Супер Ҳеавй тезлаткичидан иборат. Қурилманинг умумий баландлиги 124 метр, диаметри эса 9 метрни ташкил этади.

Старшип кемасининг юк кўтариш қобилияти, яъни ракета ташувчининг белгиланган орбитага олиб чиқа оладиган максимал юк массаси 100 тоннадан ошади.