Одамлар энг кöп ва энг кам иşонадиган касблар маълум бöлди
31 мамлакатда öтказилган халқаро сöровда şифокорлар, олимлар ва öқитувçилар одамлар энг кöп иşонадиган касб эгалари бöлди. Сиёсатçилар, ижтимоий тармоқлардаги инфлюенсерлар ва ҳукумат вазирлари эса иşонç рейтингида энг қуйи öринларни эгаллади.
Одамлар энг кўп ва энг кам ишонадиган касблар аниқланди
Кундалик ҳаётда одамлар шифокорлар, ўқитувчилар, давлат хизматчилари ва бошқа касб эгаларига таянади. Бироқ уларнинг хизматидан фойдаланиш ёки қарорларига боғлиқ бўлиш ҳар доим ҳам уларга ишонишни англатмайди.
Ипсос компаниясининг Глобал Труствортҳинесс Индех 2026 тадқиқоти турли касб вакилларига бўлган жамоатчилик ишончи ўртасида катта тафовут борлигини кўрсатди. Унинг натижалари асосида Висуал Сапиталист инфографика тайёрлаган.
20 та касб ва ижтимоий гуруҳни қамраб олган сўровда 31 мамлакатдан 23 537 нафар вояга етган интернет фойдаланувчиси иштирок этган. Улардан ўз мамлакатидаги турли касб вакилларини қай даражада ишончга лойиқ деб ҳисоблашлари сўралган.
Рейтингда ишончнинг соф кўрсаткичидан фойдаланилган. Бу — муайян касб вакилларига ишонадиганлар улушидан уларга ишонмайдиганлар улушини айириш орқали ҳисобланадиган кўрсаткич. Мусбат натижа ишонч, манфий натижа эса ишончсизлик устунлигини билдиради.
Биринчи ўринни шифокорлар эгаллаган: уларнинг соф ишонч кўрсаткичи +43 фоиз пунктини ташкил этган. Кейинги ўринларда олимлар (+42) ва ўқитувчилар (+37) жойлашган.
Бу уч касбга бўлган муносабат турли мамлакатларда ҳам анча ўхшаш чиққан. Ипсос маълумотларига кўра, тадқиқотда қатнашган 31 мамлакатнинг 27 тасида айнан шифокорлар, олимлар ва ўқитувчилар биринчи учта ўринни эгаллаган.
Учинчи ва тўртинчи ўрин ўртасидаги фарқ эса сезиларли. Қуролли кучлар вакиллари +16 фоиз пункти билан тўртинчи ўринни олган. Бу ўқитувчиларнинг кўрсаткичидан 21 фоиз пунктига паст.
Шахсий фитнес мураббийлари (+10) ва технология соҳасидаги тадбиркорларда (+6) ҳам ишонч билдирганлар улуши ишонмайдиганлардан кўп бўлган. Судялар ва полиция ходимларининг ҳар бири +5 фоиз пунктини қайд этган.
Адвокатларнинг кўрсаткичи эса нолга тенг чиққан. Бу уларга ҳеч ким ишонмаслигини англатмайди: сўровда адвокатларга ишонадиганлар ва ишонмайдиганлар улуши тенг бўлган.
Рейтингнинг энг қуйи поғонасини сиёсатчилар эгаллаган. Уларнинг соф ишонч кўрсаткичи −48 фоиз пунктини ташкил этган. Сўралганларнинг атиги 13 фоизи сиёсатчиларни ишончга лойиқ деб ҳисоблаган, 61 фоизи эса аксинча фикр билдирган.
Шифокорлар ва сиёсатчилар ўртасидаги тафовут айниқса катта: уларнинг соф ишонч кўрсаткичлари орасида 91 фоиз пунктлик фарқ бор.