“Обсессия” филмидаги Инди Наварретти “Оскар”га номзод бўлди
“Обсессия” филмидаги Инди Наварретти “Оскар” учун номзод сифатида кўрсатилади
Фосус Феатурес студияси яқинлашиб келаётган “Оскар” тақдимотида “Обсессия” ҳоррор филмини илгари суриш кампаниясини бошлаб юборди. Вариетй хабарига кўра, студия Карри Баркер суратидаги ёрқин ижроси учун Инди Наварреттини “Энг яхши аёл роли” номинациясига даъвогар сифатида тақдим этмоқчи. Бундан ташқари, картинани номзодликка даъво қилиши мумкин бўлган деярли барча йўналишларда ҳам кўрсатиш режалаштирилган.
Студиянинг ўзи Баркерни бир вақтнинг ўзида учта йўналишда — “Энг яхши режиссёр”, “Энг яхши оригинал ссенарий” ва “Энг яхши монтаж” — номзод сифатида илгари сурмоқда. Аввалроқ Шон Бейкер билан ҳам шунга ўхшаш ҳолат кузатилган эди: унинг “Анора” филми режиссура, ссенарий ва монтаж бўйича мукофотларни қўлга киритганди.
Наварретти бутун кампаниянинг марказий фигурасига айланиши кутилмоқда. Фосус Феатурес унинг “Обсессия”даги ижроси филмга эътиборни кучайтириб, бошқа йўналишлардаги имкониятларини ҳам мустаҳкамлашига умид қилмоқда.
“Обсессия” прокатда аллақачон яхши натижа кўрсатган — 750 минг долларлик бюджет билан суратга олинган филм дунё бўйлаб 505,6 миллион доллардан ортиқ даромад олган.
Шу мавсумда Фосус Феатурес Эндрю Скотт иштирокидаги “Элсинор” драмасини, Дейзи Эдгар-Жонс қатнашган “Ақл ва идрок” асарининг янги талқинини, шунингдек, Роберт Эггерснинг “Бўри одам” номли янги ҳоррор филмини ҳам тарғиб қилади.
“Обсессия” филмини “Олтин глобус”га ҳам юборишмоқчи — уни қайси йўналишда тақдим этиш ҳали ҳал қилинмаган.