Ўзбекистоннинг туристик салоҳияти Малайзиядаги кўргазмада тақдим этилди
2026 йилнинг 4-6 сентябрь кунлари Куала-Лумпурда Малайзиянинг энг йирик туристик кўргазмаларидан бири — MATTA Fair бўлиб ўтмоқда. Унда мамлакатимиз дипломатик ваколатхонаси кўмагида Туризм қўмитаси ва «Миллий PR-маркази» ДУК томонидан ташкил этилган Ўзбекистон миллий стенди иштирок этмоқда. Ушбу кенг кўламли тадбир 4 556 та стендни қамраб олган бўлиб, унга 100 мингга яқин ташриф буюрувчилар келиши кутилмоқда. Ўзбекистон стендида ўз имкониятларини […]
Ўзбекистоннинг туристик салоҳияти Малайзиядаги кўргазмада тақдим этилди
2026 йилнинг 4-6 сентябрь кунлари Куала-Лумпурда Малайзиянинг энг йирик туристик кўргазмаларидан бири — MATTA Fair бўлиб ўтмоқда. Унда мамлакатимиз дипломатик ваколатхонаси кўмагида Туризм қўмитаси ва «Миллий PR-маркази» ДУК томонидан ташкил этилган Ўзбекистон миллий стенди иштирок этмоқда.
Ушбу кенг кўламли тадбир 4 556 та стендни бирлаштирган бўлиб, унга 100 мингга яқин ташриф буюрувчи келиши кутилмоқда. Ўзбекистон стендида «Uzbekistan Airways» авиакомпанияси, Қашқадарё вилояти туризм бошқармаси, шунингдек, «Tour Link», «Central Asia Voyage», «Ons Travels», «Orient MICE» ва «East Asia Point» каби етакчи туроператорлар ўз имкониятларини намойиш этмоқда.
Тақдимотнинг асосий эътибори зиёрат туризмига, жумладан, муқаддас қадамжоларни зиёрат қилишни маданий ва гастрономик йўналишлар билан бирлаштирган «Умра плюс» дастурига қаратилди. Кўргазма доирасида маҳаллий мутахассислар сайёҳлар оқимини ошириш ва халқаро бозорга янги маҳсулотларни олиб чиқиш мақсадида хорижий ҳамкорлар билан B2B учрашувлар ўтказмоқда. Қашқадарё вилоятининг тарихий-маданий ва табиий салоҳияти тақдимотидан ташқари, меҳмонларда ўзбек паловининг дегустацияси алоҳида қизиқиш уйғотди ва бу миллий гастрономик анъаналарни яққол намойиш этди. MATTA Fair кўргазмасидаги иштирок Ўзбекистоннинг жозибадор туристик йўналиш сифатидаги нуфузини мустаҳкамлаш ва Жануби-Шарқий Осиё мамлакатлари билан алоқаларни кенгайтиришга қаратилган.