Ўзбекистонлик икки спортчи паравелоспорт бўйича ЖЧнинг илк кунида олтин медални қўлга киритди
Ўзбекистонлик икки спортчи қиз паравелоспорт бўйича ЖЧнинг илк кунида олтин медални қўлга киритди
Ўзбекистон терма жамоаси АҚШнинг Хантсвилл шаҳрида шоссе бўйича паравелоспорт бўйича жаҳон чемпионатини иккита ғалаба билан бошлади. Турнирнинг илк кунида Покиза Аҳмадбекова ва Маржона Пардабоева ўз классларида олтин медалларни қўлга киритишди.
H1 классида иштирок этувчи Покиза Аҳмадбекова ўз масофасини биринчи бўлиб босиб ўтди ва олтин медаль соҳибасига айланди. Бу Ўзбекистон терма жамоаси учун ушбу турнирдаги илк олий тоифали мукофотдир.
Сўнгра Т1 классида Маржона Пардабоева яна бир олтин медални тақдим этди. У ҳам ўз пойгасида энг яхши натижани кўрсатиб, маррага биринчи бўлиб етиб келди.
Мусобақалар АҚШнинг Алабама штати, Хантсвилл шаҳрида бўлиб ўтмоқда. Шоссе бўйича паравелоспорт бўйича жаҳон чемпионати давом этмоқда.
Бундан аввал Ўзбекистон паравелоспорт терма жамоаси Саудия Арабистонида бўлиб ўтган шоссе пойгалари бўйича Осиё чемпионатида ёрқин иштирок этган эди.