Ўзбекистонлик Шерзодова ва Зокирова жаҳон чемпионати кумуш медалини қўлга киритди
Познан шаҳрида каноеда эшкак эшиш бўйича жаҳон чемпионатида ўзбекистонлик Шоҳсанам Шерзодова ва Нилуфар Зокирова аёллар ўртасида 200 метрга финалда кумуш медални қўлга киритди.
Ўзбекистон терма жамоаси шарафини ҳимоя қилаётган Шоҳсанам Шерзодова ва Нилуфар Зокирова Полшанинг Познан шаҳрида бўлиб ўтган байдарка ва каноеда эшкак эшиш бўйича жаҳон чемпионатида кумуш медалларни қўлга киритишди. Ўзбекистонлик жуфтлик жаҳон чемпионатида аёллар ўртасидаги 200 метрга эшкак эшиш финалида иккинчи ўринни эгаллаб, кумуш медални қўлга киритди. Бу медал Ўзбекистоннинг давом этаётган жаҳон чемпионатларидаги иккинчи медали ҳисобланади. Бунгача Артур Гулиев ҳам шу йўналишдаги эркаклар ўртасидаги 200 метрга эшкак эшиш баҳсларида кумуш медални қўлга киритган эди.