Ўзбекистондан АҚШга IT-хизматлар экспорти 320 млн доллардан ошди
Ўзбекистон рақамли соҳаси ва хорижий инвестицияларни жалб қилиш истиқболлари АҚШ давлат котиби Марко Рубио Самарқандга ташрифи чоғида бўлиб ўтган C5+1 амалий дастури доирасида Америка компанияларига тақдим этилди. Тадбирда Ўзбекистон Рақамли технологиялар вазирлиги, Enterprise Uzbekistan, IT Park Uzbekistan, шунингдек, Meta, Google ва Mastercard халқаро компаниялари вакиллари иштирок этди. Enterprise Uzbekistan маълумотларига кўра, 550 дан ортиқ компания […]
Ўзбекистоннинг АҚШга IT-хизматлари экспорти 320 млн доллардан ошди
Тадбирда Ўзбекистон Рақамли технологиялар вазирлиги, Enterprise Uzbekistan, IT Park Uzbekistan, шунингдек, Meta, Google ва Mastercard халқаро компаниялари вакиллари иштирок этди.
Enterprise Uzbekistan маълумотларига кўра, IT Park Uzbekistan резиденти бўлган 550 дан ортиқ компания Америка бозорида фаолият юритмоқда. 16 мингдан ортиқ мутахассис АҚШдан келган мижозларга хизмат кўрсатмоқда, ушбу мамлакатга IT-хизматлар экспорти эса 320 млн долларга етди. Ўзбекистон технологик экспортининг умумий ҳажми 1,1 млрд долларни ташкил этади, бунда 45% улуш Шимолий Америка ҳиссасига тўғри келади.
Enterprise Uzbekistan лойиҳасининг вазифалари ҳақида янги юрисдикция стратегияси ва амалга ошириш режасини ишлаб чиқиш билан шуғулланувчи Ирландиянинг Savaday консалтинг компанияси вакили Жон Килмартен сўзлаб берди.
«Enterprise Uzbekistan — мамлакат технологик экотизими ривожланишининг кейинги босқичидир. Лойиҳа халқаро компанияларга таниш бўлган умумий ҳуқуқ юрисдикциясини яратишга қаратилган. У инглиз тилидаги муҳитни, сунъий интеллект учун регуляторлик қумдонини ва экспортни қўллаб-қувватлашни назарда тутади. Бизнинг мақсадимиз — халқаро компаниялар Ўзбекистонда бизнес очишлари ҳамда минтақага ва бошқа бозорларга товарлар ва хизматларни экспорт қилишлари учун майдонча яратишдан иборат», — деб таъкидлади Жон Килмартен.
Унинг сўзларига кўра, форум ташаббусни потенциал инвесторларга тақдим этиш, бизнесдан фикр-мулоҳазалар олиш ва Enterprise Uzbekistan’нинг бўлажак резидентлари билан алоқалар ўрнатиш имконини беради.
Лойиҳа доирасида инглиз умумий ҳуқуқини қўллаш ва мустақил халқаро суд яратиш кўзда тутилган. Тегишли қонунчилик 2027 йил бошида кучга кириши, эълон қилинган шартлар эса 2100 йилгача кафолатланиши кутилмоқда.