Ўзбекистонда хорижий капитал иштирокидаги корхоналар сони бўйича Хитой етакчилик қилмоқда
Хитой Ўзбекистондаги хорижий инвесторлар орасида энг йирик бизнес иштирокига эга бўлиб, 2026 йил 1 сентябрь ҳолатига кўра, мамлакатда ушбу давлатнинг 6 436 та компанияси фаолият кўрсатмоқда.
Ўзбекистонда хорижий инвестиция иштирокидаги корхоналар сони бўйича Хитой етакчилик қилмоқда
Миллий статистика қўмитаси маълумотларига кўра, ҳозирги вақтда Ўзбекистонда хорижий инвестиция иштирокидаги 21 490 та корхона ва ташкилот фаолият кўрсатмоқда. Улардан 16 732 таси тўлиқ хорижий капитал иштирокидаги корхоналар, 4 758 таси эса қўшма корхоналардир.
Хорижий инвестиция иштирокидаги корхоналарнинг умумий сони сўнгги беш йил ичида 1,7 бараварга кўпайди. Шу давр мобайнида тўлиқ хорижий капитал иштирокидаги корхоналарнинг умумий сондаги улуши 56,2 фоиздан 77,9 фоизгача ошди.
Россия 3 589 та корхона билан иккинчи ўринни эгаллаган бўлса, Туркия 2 365 та корхона билан кейинги ўриндан жой олди. Қозоғистон 1 345 та, Жанубий Корея ва Афғонистон эса тегишли равишда 739 ва 725 та корхонага эга.
Озарбайжон 503 та корхона билан еттинчи ўринни эгаллади, кейинги ўринлардан Тожикистон (483 та), Бирлашган Араб Амирликлари (464 та) ва Ҳиндистон (446 та) жой олди.
Умуман олганда, Ўзбекистонда фаолият юритаётган хорижий инвестиция иштирокидаги 21 490 та корхонадан 15 412 таси ушбу 10 та давлат ҳиссасига тўғри келади.