Ўзбекистонда туристлар учун тана соқчилари хизматини жорий этиш истагидалар

Ўзбекистонда туристлар учун қўриқчилар хизматини жорий этиш режалаштирилмоқда

Ўзбекистонда туристлар учун қўриқлаш хизматлари рўйхатини кенгайтириш, жумладан, хорижлик меҳмонлар, расмий делегациялар ва бизнес вакилларига тана соқчилари (телохранитель) ҳамроҳлигини таклиф этиш кўзда тутилмоқда.

Идоралар туристлар хавфсизлигини таъминлаш бўйича янги чора-тадбирларни биргаликда тайёрлашга келишиб олдилар.

Гап меҳмонлар оқими катта бўлган йўналишларда, тарихий ва маданий объектларда, меҳмонхоналар ва дам олиш масканларида хавфсизликни таъминлаш ҳақида бормоқда. Қўриқлаш департаменти, шунингдек, хавф-хатарларни олдиндан баҳолаш, йўналиш бўйлаб хавфсизликни ташкил этиш ва фавқулодда вазиятларда тезкор чора кўришни назарда тутувчи хизматларнинг янги форматларини тақдим этди.

Бундан ташқари, туристик объектларда видеокузатув тизимлари, техник қўриқлаш воситалари ва тезкор ҳаракат қилувчи гуруҳлардан фаолроқ фойдаланиш режалаштирилмоқда. Айрим туристик йўналишлар учун манзилли хавфсизлик дастурларини ишлаб чиқиш кўзда тутилган.

Қўриқлаш департаменти туристлар хавфсизлиги нафақат алоҳида объектларда, балки бутун саёҳат давомида — мамлакатга кириб келган пайтдан бошлаб то уни тарк этгунга қадар таъминланиши кераклигини таъкидлади.

Шунингдек, 2026 йилнинг январдан август ойигача Ўзбекистонга тўққиз миллиондан ортиқ хорижлик турист ташриф буюргани — бу ўтган йилнинг шу даврига нисбатан 21,1 фоизга кўп экани хабар қилинмоқда. Энг катта ўсиш Хитой, Малайзия ва Япониядан келган туристик оқимларда кузатилди.