Ўзбекистонда тадбиркорларга жариманинг ярмини тўлашга рухсат берилди
2026 йил 1 октябрдан бошлаб Ўзбекистонда тадбиркорлар учун молиявий жарималар бўйича янги қоидалар амал қилади. Бизнес жариманинг ярмини бир ой ичида тўлаши ёки олти ойга бўлиб-бўлиб тўлашни расмийлаштириши мумкин. Бу Президентнинг 2026 йил 15 апрелдаги ПҚ-138-сонли қарорида назарда тутилган. Агар тадбиркор белгиланган муддатда жариманинг ярмини тўласа, қолган суммани тўлашга ҳожат қолмайди. Бўлиб-бўлиб тўлаш учун […]
Ўзбекистонда тадбиркорларга жариманинг ярмини тўлашга рухсат берилди
2026 йил 1 октябрдан Ўзбекистонда тадбиркорлар учун молиявий жарималарга оид янги қоидалар кучга киради. Бизнес жариманинг ярмини бир ой давомида тўлаши ёки олти ойга бўлиб-бўлиб тўлашни расмийлаштириши мумкин бўлади. Бу Президентнинг 2026 йил 15 апрелдаги ПҚ-138-сонли қарорида назарда тутилган.
Агар тадбиркор жариманинг ярмини белгиланган муддатда тўлашга улгурса, қолган қисмини тўлаш талаб этилмайди. Бўлиб-бўлиб тўлаш имкониятини олиш учун қарор олинганидан кейин бир ой давомида жарима суммасининг камида олтдан бир қисмини тўлаш керак.
Ноқонуний ундирилган жарималар ҳам қайтарилиши лозим. Агар суд ундириш ҳақидаги қарорни бекор қилса, тадбиркорга пуллар ва пеня 15 кун ичида қайтарилади. Қайтариш кечиктирилган тақдирда, тўланмаган суммага кечиктирилган ҳар бир кун учун фоизлар ҳисобланади.
2027 йил 1 январдан молиявий жарималарнинг электрон реестри иш бошлайди. Ундириш тўғрисидаги қарорлар тизимга киритилиши ва электрон рақамли имзо билан тасдиқланиши керак бўлади. Агар ушбу талаблар бажарилмаса, жарима ундирилмайди.