Ўзбекистонда суюлтирилган газ нархи ва муҳтож оилалар учун компенсациялар белгиланди
15 ноябрдан бошлаб Ўзбекистон аҳолиси суюлтирилган газнинг бир килограмми учун 5 минг сўмдан тўлайди. Бунда айрим тоифадаги оилаларга харажатларнинг бир қисми давлат томонидан компенсация қилинади. Максимал тўлов ойига 60 минг сўмни ташкил этади. Янги қоидалар Вазирлар Маҳкамасининг 31 октябрдаги 601 ва 602-сонли қарорлари билан тасдиқланди. Кимлар компенсация олиши мумкин Давлат 3 минг сўмдан қайтаради [...]
Ўзбекистонда суюлтирилган газ нархи ва муҳтож оилалар учун компенсация миқдори белгиланди
15 ноябрдан бошлаб Ўзбекистон аҳолиси бир килограмм суюлтирилган газ учун 5 минг сўмдан тўлайди. Бунда давлат айрим тоифадаги оилаларга харажатларнинг бир қисмини қоплаб беради. Тўловнинг максимал миқдори ойига 60 минг сўмни ташкил этади.
Янги қоидалар Вазирлар Маҳкамасининг 31 октябрдаги 601-сон ва 602-сон қарорлари билан тасдиқланди.
### Кимлар компенсация олиши мумкин
Давлат сотиб олинган газнинг ҳар бир килограмми учун 3 минг сўмдан қайтаради. Компенсация ойига максимал 20 кг учун берилади.
Тўловни Ижтимоий реестрга киритилган оилалар олиши мумкин бўлади. Шунингдек, реестр мезонларига мос келадиган, аммо ҳали унга киритилмаган хонадонлар ҳам компенсация олиш ҳуқуқига эга бўлади. Бунда бир кишига тўғри келадиган ўртача ойлик даромад минимал истеъмол харажатларининг икки бараваридан ошмаслиги керак.
Олувчилар қаторига етим болалар ёки ота-она қарамоғидан маҳрум бўлган болалар яшайдиган оилалар ҳам киради. Компенсация 2030 йил 1 январгача тўланади.
Тўловни расмийлаштириш учун Давлат хизматлари марказига мурожаат қилиш, ЯИДХПдан фойдаланиш ёки «Инсон» ижтимоий хизматлар маркази орқали ариза топшириш мумкин.
### Газ етказиб бериш харажатлари қандай қопланади
602-сонли қарорда Давлат бюджетидан субсидиялар ажратилиши ҳам назарда тутилган. Улар аҳолига суюлтирилган газ етказиб бериш бўйича иқтисодий асосланган харажатларни қоплайди.
LPG-Trade томонидан бир килограмм газни етказиб бериш хизмати қиймати ҚҚС билан бирга 1 300 сўм даражасида белгиланди.
Эслатиб ўтамиз, 2026/2027 йиллар иситиш мавсумида айрим муҳтож оилаларга 1 млн сўм миқдорида бир марталик ёрдам пули ҳам тўланади. Аввалроқ тўловларни 30 ноябргача якунлаш режалаштирилаётгани ҳақида хабар берилган эди.