Ўзбекистонда сукунатни бузганлик учун жарималар 8,8 млн сўмгача оширилади

Ўзбекистонда сукунатни бузганлик учун жарималар 8,8 млн сўмгача оширилади

Ўзбекистонда маиший шовқинга қарши курашиш талабларига риоя қилмаганлик учун жавобгарлик сезиларли даражада кучайтирилмоқда. Бу президент томонидан 9 сентябрда имзоланган ва 11 декабрдан кучга кирадиган қонунда назарда тутилган.

Ҳужжат сукунатга риоя қилиш бўйича янги талабларни жорий этишдан ташқари, Маъмурий жавобгарлик тўғрисидаги кодексга ўзгартиришлар киритади.

Хусусан, МЖтКнинг маиший шовқинга қарши курашиш талабларини бузишга оид 192-моддаси янги таҳрирда баён этилди.

Ҳозирда тунги вақтда фуқароларнинг осойишталиги ва нормал дам олишини бузиш қуйидагича жаримага сабаб бўлади:

Худди шундай ҳуқуқбузарлик бир йил давомида такроран содир этилганда, жарима фуқаролар учун БҲМнинг ½ қисмини, мансабдор шахслар учун эса ½ қисмидан 1 бараваригача (440 минг сўмгача) ташкил этади.

Ўзгартиришлар кучга киргандан сўнг, жарималар миқдори сезиларли даражада ошади.

Маиший шовқинга қарши курашиш талабларини бузганлик учун фуқаролар БҲМнинг 3 бараваридан 5 бараваригача (1,32 млн сўмдан 2,2 млн сўмгача), мансабдор шахслар эса 10 бараваридан 15 бараваригача (4,4 млн сўмдан 6,6 млн сўмгача) жаримага тортилади.

Агар худди шундай ҳуқуқбузарлик бир йил давомида такроран содир этилса, жарима миқдори: фуқаролар учун — БҲМнинг 5 бараваридан 7 бараваригача (3,08 млн сўмгача), мансабдор шахслар учун — 15 бараваридан 20 бараваригача (8,8 млн сўмгача) бўлади.

Шундай қилиб, фуқаролар учун биринчи ҳуқуқбузарлик учун жарима БҲМнинг 1/3 қисмидан БҲМнинг 3−5 бараваригача, яъни тахминан 9−15 баробарга ошади. Мансабдор шахслар учун санкциялар янада қаттиқлашади.

Ўзгартиришлар МЖтКнинг 192-моддасида кўрсатилган вақт оралиғини ҳам ўзгартиради.

Амалдаги соат 23:00 дан 6:00 гача бўлган ягона давр ўрнига, ҳафта кунларига қараб турли соатлар жорий этилмоқда: иш кунларида — соат 23:00 дан 7:00 гача, дам олиш ва ишланмайдиган байрам кунларида эса — соат 22:00 дан 9:00 гача.

Гап фуқароларнинг осойишталиги ва нормал дам олишини йўл қўйиладиган даражадан юқори шовқин билан бузиш ҳақида бормоқда.

Алоҳида равишда, ҳаддан ташқари шовқин чиқарадиган транспорт воситалари учун жавобгарлик кучайтирилмоқда. Ҳозирда шовқин даражаси белгиланган нормалардан ортиқ бўлган автомобилни бошқариш МЖтКнинг 125-моддасига асосан огоҳлантириш ёки БҲМнинг 0,5 баравари (220 минг сўм) миқдорида жарима солишга сабаб бўлади. Қонун кучга киргандан сўнг огоҳлантириш чиқариб ташланади, жарима эса БҲМнинг 1 бараваригача (440 минг сўм) оширилади.

Вазирлар Маҳкамасига ҳукумат қарорларини қонунга мувофиқлаштириш топширилди. Республика ижро этувчи ҳокимият органлари ўзларининг норматив-ҳуқуқий ҳужжатларини қайта кўриб чиқишлари ва унга зид бўлган қоидаларни бекор қилишлари керак.