Ўзбекистонда сентябрь ойида инфляция 0,7 фоизни ташкил этди
2026 йил сентябрь ойида Ўзбекистонда истеъмол нархлари ўртача 0,7 фоизга ошди. Бу ҳақда Миллий статистика қўмитаси маълум қилди. Йиллик инфляция 6,4 фоизни ташкил этди. Бу 2025 йилнинг сентябрь ойидаги кўрсаткичдан (ўшанда у 8 фоизни ташкил этган эди) 1,6 фоиз пунктига пастдир. Озиқ-овқат маҳсулотлари бир ой давомида ўртача 1 фоизга, ноозиқ-овқат товарлари эса 0,3 фоизга қимматлашди. Нархлар […]
Ўзбекистонда сентябрь ойида инфляция 0,7 фоизни ташкил этди
2026 йилнинг сентябрь ойида Ўзбекистонда истеъмол нархлари ўртача 0,7 фоизга ошди. Бу ҳақда Миллий статистика қўмитаси маълум қилди.
Йиллик инфляция 6,4 фоизга етди. Бу 2025 йилнинг сентябрь ойидаги кўрсаткичдан (8%) 1,6 фоиз пунктига пастдир.
Бир ой давомида озиқ-овқат маҳсулотлари ўртача 1 фоизга, ноозиқ-овқат товарлари эса 0,3 фоизга қимматлашди. Пуллик хизматлар қиймати 0,9 фоизга ошди.
Маҳсулотлар орасида энг сезиларли даражада помидор — 14,2 фоизга, бодринг — 13,5 фоизга, сабзи — 12,4 фоизга қимматлашди. Шу билан бирга, цитрус мевалар 12 фоизга, узум эса 5,7 фоизга арзонлашди.
Ноозиқ-овқат сегментида АИ-95 бензини 4,2 фоизга, пропан 4,2 фоизга қимматлашди. Метан нархи ўзгаришсиз қолди.
Хизматлар орасида энг кўп давлат мактабгача таълим ташкилотлари хизматлари нархи — 6,8 фоизга ошди. Юридик хизматлар 6,6 фоизга, давлат олий ўқув юртларида шартнома асосида ўқиш эса 6,3 фоизга қимматлашди.
Индексни ҳисоблаш учун мутахассислар 10 мингдан ортиқ савдо ва хизмат кўрсатиш шохобчаларида 2 миллиондан ортиқ нархларни рўйхатга олишди. Кузатув 419 турдаги товар ва 98 турдаги хизматларни қамраб олди.