Ўзбекистонда рўйхатдан ўтган шифокорларга 7 миллион сумдан қўшимча ҳақ тўланади

Ўзбекистонда рўйхатдан ўтган шифокорларга 7 миллион сўмдан қўшимча ҳақ тўланади

Ўзбекистонда рўйхатдан ўтган шифокорлар ва фармацевтларга қўшимча 7 миллион сўм, ҳамшираларга эса 3,5 миллион сўм тўланади. Тиббиёт ва фармацевтика ходимларини рўйхатдан ўтказиш келгуси йилнинг 1 июлидан бошланади.

Бу ҳақда президент Шавкат Мирзиёев тиббиёт ва фармацевтика ходимлари билан учрашувда маълум қилди.

Биринчи босқичда рўйхатдан ўтиш ихтиёрий бўлади, 2030 йилдан эса мажбурийга айланади.

Давлат раҳбари соғлиқни сақлаш соҳасида аниқ тартиб ва қатъий назорат бўлиши, тиббий ва фармацевтик фаолият билан фақат профессионаллар шуғулланиши кераклигини таъкидлади.

Масъулларга соҳавий таълим сифатини, шунингдек, кадрларни тайёрлаш ва малакасини ошириш тизимининг үзлуксиз ишлашини таъминлаш топширилди.

Шунингдек, Шавкат Мирзиёев тиббиёт ходимлари учун давлат мукофотини таъсис этишни таклиф қилди. У Ибн Сино номи билан аталади. Уни инсонлар саломатлиги ҳақида қайғураётган ҳамда илғор илмий ишланмалар ва даволаш усулларини жорий этаётганларга топшириш режалаштирилмоқда.