Ўзбекистонда қуёш энергияси учун 642 млрд сўм тўланди
2026 йилнинг тўққиз ойи давомида қуёш панеллари эгалари томонидан тармоққа узатилган электр энергияси учун 70,7 минг киши субсидия олди.
Ўзбекистонда қуёш энергияси учун 642 млрд сўм тўлаб берилди
2026 йилнинг январь–сентябрь ойларида Ўзбекистоннинг 70,7 минг нафар аҳолиси қуёш панеллари орқали ишлаб чиқарилган ва электр тармоқларига узатилган электр энергияси учун Давлат бюджетидан 642,1 млрд сўм субсидия олди. Бу ҳақда Telegram’даги «Фискал таҳлил» канали хабар бермоқда.
Энг йирик тўловлар Бухоро ва Хоразм вилоятлари ҳамда Қорақалпоғистон Республикаси ҳиссасига тўғри келди. Бухоро вилояти аҳолисига 116,7 млрд сўм, Хоразм вилоятига — 115,3 млрд сўм, Қорақалпоғистонга — 77,2 млрд сўм ўтказиб берилди.
Субсидияни Soliq мобиль иловаси орқали расмийлаштириш мумкин.
Бунинг учун «Кешбэк ва имтиёзлар» хизмати назарда тутилган бўлиб, у ерда «Қуёшли хонадон» бўлимини танлаш, сўнгра «Картага ўтказиш» функциясидан фойдаланиш зарур.