Ўзбекистонда жорий ҳафтада илиқ об-ҳаво сақланиб қолади
Иш ҳафтаси давомида Ўзбекистон бўйича кам булутли ва ёғингарчиликсиз об-ҳаво кутилмоқда. Айрим тоғли ҳудудларда ҳамда 24−25 сентябрь кунлари Фарғона водийси вилоятларида қисқа муддатли кучсиз ёмғир ёғиши, момақалдироқ бўлиши мумкин. Кундузги ҳарорат +27…+32, жанубда эса +35…+37 даражани ташкил этади.
Ўзбекистонда шу ҳафтада илиқ об-ҳаво сақланиб қолади
Жорий иш ҳафтаси давомида Ўзбекистон ҳудудининг катта қисмида кам булутли, баъзи жойларда ўзгарувчан булутли, ёғингарчиликсиз об-ҳаво бўлиши прогноз қилинмоқда.
Фақат республиканинг айрим тоғли ҳудудларида, шунингдек, 24−25 сентябрь кунлари Фарғона водийси вилоятларининг баъзи жойларида қисқа муддатли кучсиз ёмғир ёғиши ва момақалдироқ бўлиши мумкин.
Ҳаво ҳарорати кечаси +13…+18 даража, кундузи +27…+32 даража, жанубда +35…+37 даражагача атрофида бўлади.
Шамол шарқдан 7−12 м/с тезликда эсади.
Тошкентда кам булутли, вақти-вақти билан ўзгарувчан булутли об-ҳаво кутилмоқда, ёғингарчилик бўлмайди.
Ҳарорат кечаси +15…+18 даража, кундузи +29…+32 даража, 25 сентябрда эса +27…+29 даража бўлади.
Шамол шарқдан 3−8 м/с тезликда эсади.