Ўзбекистонда ичимликларни таркибидаги шакар миқдорига қараб маркировкалаш жорий этилмоқчи
Ўзбекистонда 2027 йил 1 январдан бошлаб таркибида шакар миқдори юқори бўлган алкоголсиз ичимликлар учун огоҳлантирувчи маркировка жорий этиш таклиф қилинмоқда. Тегишли лойиҳа Соғлиқни сақлаш вазирлиги томонидан ишлаб чиқилди. Маркировка ичимликнинг 100 мл ҳажмидаги шакар миқдорига боғлиқ бўлади. Таркибида 5 дан 8 граммгача шакар бўлганда «Шакарнинг ўртача миқдори», 8 дан 11 граммгача бўлганда эса — «Шакарнинг юқори миқдори» деган ёзув пайдо бўлади. […] учун
Ўзбекистонда ичимликларни шакар миқдори бўйича маркировкалашни жорий этиш таклиф қилинмоқда
Ўзбекистонда 2027 йил 1 январдан бошлаб таркибида шакар миқдори юқори бўлган алкоголсиз ичимликлар учун огоҳлантирувчи маркировка жорий этилиши кутилмоқда. Бундай лойиҳа Соғлиқни сақлаш вазирлиги томонидан тайёрланди.
Маркировка ҳажми ичимликнинг 100 мл ҳажмидаги шакар миқдори билан белгиланади. Агар унинг миқдори 5 дан 8 граммгача бўлса, қадоқда «Ўртача шакар миқдори», 8 дан 11 граммгача бўлганда эса — «Юқори шакар миқдори» деган ёзув пайдо бўлади.
Таркибида 11 грамм ва ундан ортиқ шакар бўлган ичимликлар учун: «Жуда юқори шакар миқдори — тез-тез истеъмол қилиш соғлиқ учун зарарли» деган ёзувдан фойдаланиш таклиф этилмоқда.
Огоҳлантириш қадоқнинг олд томонига жойлаштирилади. У майдоннинг камида 15 фоизини эгаллаши ва яққол кўзга ташланиб туриши керак. Бундан ташқари, таркиби, калорияси ва кунлик истеъмол меъёри тўғрисидаги маълумотларни ўз ичига олган QR-код жойлаштириш режалаштирилмоқда.
2027 йил 1 мартгача ичимликларни лаборатория таҳлилидан ўтказишнинг ягона методикасини тасдиқлаш таклиф этилмоқда. 1 сентябргача эса аккредитациядан ўтган лабораторияларда шакар миқдорини аниқлашни ташкил этиш режалаштирилган.
Шунингдек, Соғлиқни сақлаш вазирлиги таркибида шакар миқдори юқори бўлган ичимликлар реестрини яратиш ва ҳар чоракда эълон қилиб боришни таклиф этмоқда.