Ўзбекистонда экспорт юк ташувларига бўлган талаб учдан бир қисмга ортди
«ATI.SU логистика платформаси» автомобиль транспортида юк ташиш бозорида 2026 йилнинг учинчи чораги якунларини сарҳисоб қилди. Ўзбекистондан бошқа мамлакатларга юк етказиб беришга, шунингдек, мамлакат ичидаги юк ташишларга талаб сезиларли даражада ошди. Импорт йўналишлари беқарорликни намойиш этмоқда: июль-август ойларида пасайиш ва сентябрда кескин ўсиш кузатилди. 2026 йилнинг учинчи чораги якунларига кўра, Ўзбекистондан ташувлар бўйича буюртмалар сони […]
Ўзбекистонда экспорт юк ташувларига бўлган талаб учдан бир қисмга ошди
Ўзбекистондан бошқа мамлакатларга юк етказиб беришга, шунингдек, республика ичидаги ташувларга бўлган қизиқиш сезиларли даражада ошди. Шу билан бирга, импорт йўналишлари беқарор: июль-август ойларида пасайиш кузатилган бўлса, сентябрь ойида кескин кўтарилиш қайд этилди.
2026 йилнинг учинчи чораги якунларига кўра, Ўзбекистондан бошқа мамлакатларга ташувлар бўйича берилган талабномалар сони 2025 йилнинг шу даврига нисбатан 29 фоизга ошди. 2026 йилнинг 9 ойи давомида ҳам ўсиш (+11%) қайд этилди, бунда ижобий динамика барча учта чоракда кузатилди. Юкларни Россияга етказиб беришга бўлган талаб энг сезиларли даражада — 26 фоизга, айниқса Беларусь йўналишида — 80 фоизга ошди.
Учинчи чоракда экспорт ташувлари ставкалари йиллик ҳисобда 10 фоизга кўтарилди.
Импорт юк ташувлари бироз қарама-қарши манзарани кўрсатмоқда. 2026 йилнинг 9 ойи давомида бошқа мамлакатлардан Ўзбекистонга юкларни етказиб беришга бўлган талабнинг сезиларли ўсиши сақланиб қолмоқда (йиллик ҳисобда талабномалар сони бўйича +16%), аммо учинчи чоракда 8 фоизлик пасайиш қайд этилди.
Июль ва август ойлари суст кечди, аммо сентябрь ойида талаб кескин ошди (+39%). Сентябрь ойида айниқса Россия йўналишида сезиларли кўтарилиш кузатилди (+47%), гарчи бу июль-август ойларидаги пасайишни қопламаган бўлса-да. Оқибатда, учинчи чоракда Россиядан юкларни етказиб бериш бўйича талабномалар сони 4 фоизга камайди.
Учинчи чоракда импорт ташувлари нархлари йиллик ҳисобда деярли ўзгармади (+2%).
Ички юк ташувларига бўлган талаб барқарор ўсишда давом этмоқда. Муайян айтганда, 2026 йилнинг учинчи чорагида Ўзбекистон бўйлаб юкларни етказиб бериш бўйича талабномалар сони иккинчи чоракка нисбатан 12 фоизга кўпайди. Статистикага нафақат бозор омиллари, балки ATI.SU платформаси фойдаланувчилари сонининг ортиши ҳам таъсир кўрсатмоқда — тобора кўпроқ ўзбекистонлик юк эгалари ва ташувчилар қўл меҳнатига асосланган жараёнлардан рақамли хизматлар фойдасига воз кечмоқдалар.
«Биз юк ташувларига бўлган талабнинг ишончли ўсиши давом этаётганини кузатмоқдамиз, бу расмий статистикага ҳам мос келади (биринчи ярим йилликда юк айланмаси бўйича +43%). Халқаро ташувларда энг мураккаб вазият Ўзбекистон учун энг оммавий бўлган Россия йўналишида сақланиб қолмоқда, бу ерда ёзда ёқилғи инқирози асосий салбий омилга айланди. Бу айниқса Россиядан импорт қилишга таъсир кўрсатди. Сентябрь ойида дизель ёқилғиси билан боғлиқ вазият яхшиланди ва бу ушбу йўналишдаги талабнинг кескин ортишини асосан тушунтириб беради», — деб шарҳлайди халқаро «ATI.SU Логистика платформаси»нинг Ўзбекистондаги ваколатхонаси директори Фарид Вахидов.