Ўзбекистонда эҳтиёжманд оилалар фарзандларига боғча, йўлкира ва ётоқхона учун ваучерлар берилади
Кейинги йилдан бошлаб Ижтимоий реестрга киритилган оилаларнинг фарзандлари махсус ваучерлар оладилар. Давлат уларнинг болалар боғчалари, ўқув марказлари, йўл кира ва талабалар турар жойлари учун харажатларини тўлиқ қоплайди. Бу ҳақда Президент Шавкат Мирзиёев йиғилишда маълум қилди. Ваучер 12 ой давомида амал қилади. Оила ушбу давр мобайнида кам таъминланганларнинг Ижтимоий реестридан чиқса ҳам, у ўз кучини сақлаб қолади. […]
Ўзбекистонда эҳтиёжманд оилалар фарзандларига боғча, йўлкира ва ётоқхоналар учун ваучерлар берилади
Келгуси йилдан бошлаб Ижтимоий реестрга киритилган оилаларнинг фарзандлари махсус ваучерларга эга бўладилар. Давлат уларнинг боғча, ўқув марказлари, йўлкира ва талабалар турар жойлари учун харажатларини тўлиқ қоплаб беради.
Бу ҳақда йиғилишда Президент Шавкат Мирзиёев маълум қилди. Ваучер 12 ой давомида амал қилади. Агар ушбу давр мобайнида оила кам таъминланганларнинг Ижтимоий реестридан чиқса ҳам, ваучер ўз кучини сақлаб қолади.
Бундан ташқари, давлат оналарни қўллаб-қувватлашни кенгайтирмоқда: Ижтимоий суғурта жамғармаси ишловчи аёлларга бола бир ёшга тўлгунига қадар уни парваришлаш бўйича нафақа тўлайди.
Жорий йилда давлат томонидан эҳтиёжманд оилалар учун ижтимоий пакетларга 300 миллиард сўм ажратилди. 11 мингта оила ёрдам олди ва уларнинг ярмидан кўпининг даромадлари сезиларли даражада ошди.
Бундан аввалроқ республика расмийлари ободонлаштириш соҳаси ходимларининг оилаларини қўллаб-қувватлашни ҳам эълон қилган эди. «Табиат уйғунлиги ҳимоячиси» танлови доирасида давлат коммунал ва санитария хизматлари фахрийларининг 100 нафар фарзанди ва набираларининг олий ўқув юртларидаги ўқиш пулини тўлиқ тўлаб беради.