Ўзбекистонда 2026 йилда 200 км йўлни қуриш ва реконструкция қилиш режалаштирилмоқда
Ўзбекистонда 2026 йилда 200 км автомобиль йўлларини қуриш ва реконструкция қилиш режалаштирилмоқда. Ушбу мақсадлар учун 15 та лойиҳа доирасида $442 млн ўзлаштирилиши кўзда тутилган. Bu ҳақда Автомобиль йўллари қўмитаси ахборот хизмати раҳбари Нилуфар Жумаева брифингда маълум қилди. 15 та лойиҳадан 13 таси халқаро молия институтлари иштирокида амалга оширилади. Яна иккита лойиҳа давлат-хусусий шериклик асосида амалга оширилмоқда. […]
Ўзбекистонда 2026 йилда 200 км автомобиль йўлларини қуриш ва реконструкция қилиш назарда тутилган. Ушбу мақсадлар учун 15 та лойиҳа доирасида 442 млн долларни ўзлаштириш режалаштирилмоқда. Бу ҳақда брифингда Автомобиль йўллари қўмитаси ахборот хизмати раҳбари Нилуфар Жумаева маълум қилди.
15 та лойиҳадан 13 таси халқаро молия институтлари иштирокида амалга оширилади. Яна иккита лойиҳа давлат-хусусий шериклик асосида бажарилади.
Январь–сентябрь ойларида тўққизта лойиҳа доирасида 110 км йўл реконструкция қилинди. Бажарилган ишлар ҳажми 214,3 млн долларни ташкил этди. Ушбу давр учун режа 101 фоизга бажарилди.
Ишлар бир нечта йирик трассаларда олиб борилмоқда. Улар орасида Сурхондарё вилоятидаги 4Р105 ва 4Р100, Қорақалпоғистон ва Бухоро вилоятидаги А380, шунингдек, Қашқадарё вилоятидаги М39 йўллари бор.
Бундан ташқари, Хоразм вилояти ва Қорақалпоғистондаги ички йўлларга цемент-бетон қоплама ётқизиш ва трассаларни таъмирлаш бўйича тендерлар эълон қилинди. шунингдек, А373 йўлининг дастлабки 37 км қисмини реконструкция қилиш режалаштирилган. Тўртта лойиҳа бўйича қурилиш ишлари бошлаб юборилди.