Ўзбекистон ва Озарбайжон президентлари энергетика, транспорт ва саноатдаги кооперацияни муҳокама қилишди
Ўзбекистон ва Озарбайжон президентлари энергетика, транспорт ва саноат соҳаларидаги ҳамкорликни муҳокама қилдилар
Бакуга амалий ташриф дастури давомида Ўзбекистон президенти Шавкат Мирзиёев Озарбайжон президенти Илҳом Алиев билан учрашув ўтказди.
Суҳбат бошида Ўзбекистон раҳбари Озарбайжон етакчисини Осиёда ҳамкорлик ва ишонч чоралари бўйича кенгашга муваффақиятли раислик қилгани ва унинг еттинчи саммитини ўтказгани билан табриклади.
Томонлар Озарбайжон президентининг жорий йил августида Ўзбекистонга амалга оширган давлат ташрифи чоғида эришилган келишувларни амалий рўёбга чиқариш контекстида стратегик шериклик ва иттифоқчиликни янада ривожлантиришнинг долзарб масалаларини кўриб чиқдилар.
Учрашув қатнашчилари барча даражалардаги маҳсулдор мулоқотларни ва йил бошидан буён ўзаро товар айланмаси 30 фоизга ошганини мамнуният билан қайд этдилар.
Геология, энергетика, қурилиш, транспорт ва логистика, енгил саноат, туризм ва бошқа соҳалардаги қўшма кооперация лойиҳалари фаол босқичда турaнди, шунингдек, бой маданий-гуманитар алмашув дастури амалга оширилмоқда.
Бундан ташқари, икки давлат раҳбарлари минтақавий ва халқаро кун тартиби бўйича фикр алмашдилар ҳамда бўлажак тадбирлар жадвалини муҳокама қилдилар.