Ўзбекистон ва Арманистон икки томонлама ҳамкорликнинг янги йўналишларини муҳокама қилдилар
Ереванда сиёсий маслаҳатлашувлар бўлиб ўтди, унда томонлар савдо, транспорт, қишлоқ хўжалиги, туризм ва таълим масалаларини муҳокама қилдилар.
Ўзбекистон ва Арманистон икки томонлама ҳамкорликнинг янги йўналишларини муҳокама қилдилар
2026 йил 7 сентябрь куни Ереван шаҳрида Ўзбекистон ва Арманистон ташқи ишлар вазирликлари ўртасида сиёсий маслаҳатлашувларнинг навбатдаги раунди бўлиб ўтди. Делегацияларга ташқи ишлар вазирлари ўринбосарлари Бобур Усмонов ва Мнацакан Сафарян раҳбарлик қилди.
Томонлар сиёсий, савдо-иқтисодий ва маданий-гуманитар соҳалардаги икки томонлама ҳамкорликнинг бугунги ҳолати ва ривожланиш истиқболларини кўриб чиқдилар. Олий ва юқори даражадаги алоқалар давомида белгиланган вазифаларнинг ижро этилиши жараёнига алоҳида эътибор қаратилди.
Маслаҳатлашувлар иштирокчилари икки томонлама муносабатларнинг шартномавий-ҳуқуқий базасини кенгайтириш ва халқаро майдонлардаги ҳамкорликни мустаҳкамлашдан ўзаро манфаатдор эканликларини тасдиқладилар.
Саноат кооперацияси, транспорт ва логистика, қишлоқ хўжалиги, рақамли технологиялар, туризм ва таълим соҳаларидаги ҳамкорлик салоҳиятидан амалий фойдаланишга алоҳида урғу берилди.
Учрашув якунлари бўйича икки мамлакат ташқи сиёсат маҳкамалари ўртасидаги яқин мувофиқлаштиришни давом эттириш тўғрисида келишувга эришилди. Томонлар икки томонлама кун тартибидаги кенг кўламли масалалар бўйича амалий ҳамкорликни мустаҳкамлаш ниятидалар.