Ўзбекистон U-23 Осиё ўйинлари ярим финалида Японияга пенальтилар сериясида имкониятни бой берди
Ўзбекистон U-23 ёшлар терма жамоаси Осиё ўйинларининг футбол турнири финалига чиқа олмади. Ярим финалда жамоа асосий ва қўшимча вақтдаги 1:1 ҳисобидаги дурангдан сўнг пенальтилар сериясида Японияга 8:9 ҳисобида имкониятни бой берди.
Ўзбекистон U-23 Осиё ўйинлари ярим финалида Японияга пенальтилар сериясида ютқазди
Ўзбекистон учрашувнинг 8-дақиқасидаёқ ҳисобни очди. Сардорбек Баҳромов чап қанотдан узатилган тўпни қабул қилиб, Япония терма жамоаси дарвозасига йўллади.
Японлар фақат 88-дақиқага келибгина ҳисобни тенглаштиришга муваффақ бўлишди. Сена Ишибаши гол уриб, учрашувни қўшимча вақтга олиб ўтди.
Асосий вақтнинг қолган қисмида ва овертаймнинг икки бўлимида жамоалар бошқа гол ура олишмади. Қарама-қаршилик тақдири пенальтилар сериясида ҳал бўлди.
Футбол лотереясида Япония терма жамоаси аниқроқ ҳаракат қилиб, 9:8 ҳисобида ғалаба қозонди. Шу тариқа, Япония жамоаси финалга йўл олди ва у ерда Жанубий Корея билан тўқнаш келади. Жанубий кореяликлар иккинчи ярим финалда Хитойни 2:1 ҳисобида мағлуб этишганди.
Ўзбекистон терма жамоаси энди бронза медаллари учун курашади. Унинг рақиби Хитой бўлади.
Финал учрашуви ва учинчи ўрин учун ўйин 3 октябрь куни бўлиб ўтади.