Ўзбекистон Президенти Туркий давлатлар ташкилоти саммитида иштирок этиш учун Анқарага ташриф буюради
Ўзбекистон Президенти 29−30 октябрь кунлари амалий ташриф билан Туркияда бўлади. У ерда у Анқарада ўтказиладиган Туркий давлатлар ташкилоти саммитида иштирок этади.
Ўзбекистон Президенти Туркий давлатлар ташкилоти саммитида иштирок этиш учун Анкарага жўнаб кетади
Ўзбекистон Президенти Шавкат Мирзиёев Туркия Президенти Режеп Таййип Эрдоғаннинг таклифига биноан 29–30 октябрь кунлари ушбу мамлакатга амалий ташриф буюради, деб хабар берди давлат раҳбари матбуот хизмати.
Давлат раҳбари Анкарада «Туркий аср: тилда, фикрда ва ишда бирлик» мавзусида ўтказиладиган Туркий давлатлар ташкилотининг навбатдаги саммитида иштирок этади.
Саммит доирасида ташкилот аъзолари ўртасидаги ҳамкорликни, энг аввало, савдо-иқтисодий, инвестициявий, транспорт-логистика ва маданий-гуманитар соҳаларда, шунингдек, туризм, экология ва таълим йўналишларида кенгайтириш ва мустаҳкамлаш масалаларини муҳокама қилиш режалаштирилган.
Бундан ташқари, делегациялар раҳбарлари халқаро ва минтақавий кун тартибини кўриб чиқадилар.
Саммит якунлари бўйича Анкара декларацияси ҳамда ташкилотга аъзо мамлакатлар ўртасидаги шерикликни чуқурлаштиришга қаратилган бир қатор қўшма қарор ва ҳужжатлар қабул қилиниши кутилмоқда.