Ўзбекистон миллий жамоаси ўртоқлик ўйинида Сурияни йирик ҳисобда енгди
Тошкентда Ўзбекистон ва Сурия миллий жамоалари ўртоқлик ўйинини ўтказди. Бош мураббий Фабио Каннаваро шогирдлари 4:1 ҳисобида ғалаба қозонди. Ҳусайн Норчаев иккита гол урди.
Ўзбекистон миллий жамоаси ўртоқлик учрашувида Сурияни йирик ҳисобда мағлуб этди
1-октабр куни Тошкент шаҳрида Ўзбекистон миллий жамоаси Сурия миллий жамоасига қарши ўртоқлик баҳсини ўтказди.
28-дақиқада Шерзод Эсанов рақиб жарима майдони ичида тўпни қўлга киритиб, уни дарвозага жойлади.
44-дақиқада Акмал Мозговой дарвозабон билан яккама-якка чиқиб, қулай имкониятни голга айлантирди.
49-дақиқада Ҳусайн Норчаев жарима майдонига узатилган тўпни боши билан аниқ дарвозага йўллади. 90-дақиқада у яна бир бор рақиб дарвозасини ишғол қилди.
Сўнгги сонияларда Сурия битта гол уришга эришди. Ҳимоячи Муҳаммад Ҳакимов тўпни тасодифан ўз дарвозасига йўллаб қўйди.
Ўзбекистон миллий жамоаси ФИФА кунларидан фойдаланиб учта ўртоқлик ўйинини ўтказади. Аввалроқ, 24-сентабр куни миллий жамоа Фарғона шаҳрида Эронни 3:1 ҳисобида мағлуб этган эди.
Энди Ўзбекистон 6-октабр куни сафарда Жанубий Корея меҳмони бўлади. Учрашув Ёнъин шаҳридаги «Миреу» стадионида бўлиб ўтади.
ЎЗБЕКИСТОН - СУРИА 4:1
Голлар: Шерзод Эсанов (28), Акмал Мозговой (44), Ҳусайн Норчаев (49, 90) - Муҳаммад Ҳакимов (90+3 автогол)
Ўзбекистон: Абдувоҳид Неъматов, Абдуқодир Ҳусанов (Нурмуҳаммад Абдуғаниев, 86), Беҳруз Каримов (Ҳожиакбар Алижонов, 63), Жаҳонгир Ўрозов (Муҳаммад Ҳакимов, 86), Акмал Мозговой (Диёр Холматов, 78), Одил Ҳамробеков (Умарали Раҳмоналиев, 63), Азиз Амонов (Азиз Холмуродов, 78), Ҳусайн Норчаев, Аббос Файзуллаев (Жасурбек Жалолиддинов, 63), Шерзод Эсанов, Маҳмуд Маҳамаджонов.
Сурия: Элиас Ҳадая, Аҳмад Фақа, Айҳам Ҳанз Усу, Абдуллоҳ аш-Шомий (Холид Курдўғли, 58), Жан Яҳё Мустафо (Маҳмуд ал-Мавос, 58), Маҳмуд ал-Асвад (Элмар Абраҳам, 46), Муҳаммад Усмон (Висом Духон, 88), Аҳмад Ёсин ад-Далий (Закариё Ҳаннон, 46), Ёҳаннес Данҳо (Абдурраззоқ ал-Муҳаммад, 58), Нуҳ Леон (Умар ас-Сома, 58), Алоуддин Ёсин ад-Далий (Муҳаммад ал-Ҳаллоқ, 46)
Огоҳлантиришлар: Маҳмуд ал-Асвад (11), Маҳмуд Маҳамаджонов (77)