Ўзбекистон маҳаллаларида кичик ишлаб чиқариш корхоналари оммавий равишда ишга туширилмоқда
Ўзбекистон маҳаллаларида кичик ишлаб чиқаришлар оммавий равишда ишга туширилмоқда
2026 йилда кичик ишлаб чиқариш корхоналарини ривожлантириш ва улар ўртасидаги кооперация алоқаларини кенгайтириш мақсадида республикада 53 та микросаноат маркази рўйхати шакллантирилди. Янги майдонлар 400 та маҳаллани қамраб олади ва 7,5 мингта янги иш ўрни яратиш имконини беради.
Иқтисодиёт ва молия вазирлиги матбуот хизматининг хабар беришича, марказлар тикувчилик ва мебель ишлаб чиқариш, металлни қайта ишлаш ҳамда чарм-пойабзал маҳсулотлари чиқаришга ихтисослашади. Чор-атрофдаги инфратузилмани ривожлантириш учун бошланғич босқичда ушбу лойиҳаларга 75 миллиард сўм миқдорида молиялаштириш кўзда тутилган.
Ҳозирги вақтда 18 та микросаноат марказини электр ва газ таъминоти тармоқлари, ичимлик суви, канализация ҳамда йўл инфратузилмаси билан таъминлаш учун 31,9 миллиард сўмлик объектларнинг манзилли рўйхати шакллантириб бўлинди.
Бундан ташқари, микросаноат марказлари учун муҳандислик-коммуникация тармоқларини қуришга 35 миллиард сўм ажратилди.