Ўзбекистон ландшафтларнинг иқлимга чидамлилигини ошириш учун 100 млн евродан ортиқ маблағ олади
Яшил иқлим жамғармаси Ўзбекистон, Қирғизистон ва Тожикистон учун қиймати 264,4 млн евролик минтақавий дастурни маъқуллади. Ўзбекистон 103,7 млн евро олади, бу маблағлар ўрмонлар ва яйловларни қайта тиклаш, барқарор қишлоқ хўжалиги ҳамда фермерларни иқлим ўзгаришига мослаштиришга йўналтирилади.
Ўзбекистон ландшафтларнинг иқлимга чидамлилигини мустаҳкамлаш учун 100 млн евродан ортиқ маблағ олади
Green Climate Fund (GCF) умумий қиймати 264,4 млн евро бўлган «Марказий Осиёда иқлимга чидамли ландшафтлар» (CLiCA) минтақавий дастурини маъқуллади, деб хабар берди Ўзбекистон Экология ва иқлим ўзгариши миллий қўмитаси.
Дастур Германия халқаро ҳамкорлик жамияти (GIZ) томонидан Ўзбекистон, Қирғизистон ва Тожикистон билан ҳамкорликда тайёрланган. Ўзбекистон томонидан дастур бўйича ишларни қўмита ҳузуридаги Иқлим ўзгариши бўйича миллий марказ мувофиқлаштирди.
Дастур доирасида Ўзбекистонга 103,7 млн евро ажратилади. Ушбу маблағлар ўрмонлар ва яйловларни қайта тиклаш, қишлоқ хўжалигида иқлимга чидамли технологияларни жорий этиш, шунингдек, фермерларнинг иқлим ўзгариши оқибатларига мослашиш учун зарур бўлган молиявий воситалардан фойдаланиш имкониятларини кенгайтиришга йўналтирилади.
Ўзбекистонда дастурдан кутилаётган натижалар:
«Ушбу маъқуллаш — янада барқарор жамоалар ва ландшафтлар сари муҳим қадамдир. Қирғизистон, Тожикистон ва Ўзбекистондаги ҳамкорларимиз билан биргаликда умумий мақсадни Марказий Осиё аҳолиси ва табиати учун узоқ муддатли натижага айлантириш ниятидамиз», — дея қайд этди GIZ.