Ўзбекистон илк бор аэронавигация бўйича иккита йирик халқаро тадбирга мезбонлик қилади
Тошкентда илк бор аэронавигация соҳасида бир вақтнинг ўзида иккита йирик халқаро тадбир бўлиб ўтмоқда. 8 сентябрь куни SOCEA йиллик йиғилиши бошланди, 9 сентябрда эса CANSO Eurasia ANSP’s Summit саммити бўлиб ўтади. SOCEA учинчи йиллик умумий йиғилишида Европа ва Осиё аэронавигация хизматлари кўрсатувчи провайдерлари, шунингдек, халқаро авиация ташкилотлари вакиллари иштирок этмоқда. Иштирокчилар парвозлар хавфсизлиги, аэронавигация хизматлари кўрсатувчи провайдерлар ўртасидаги ҳамкорликни муҳокама қиладилар […]
Ўзбекистон илк бор аэронавигация бўйича иккита йирик халқаро тадбирга мезбонлик қилмоқда
Тошкентда илк бор аэронавигация соҳасидаги иккита йирик халқаро тадбир бир вақтнинг ўзида бўлиб ўтмоқда. 8 сентябрь куни SOCEA йиллик йиғилиши бошланди, 9 сентябрь куни эса CANSO Eurasia ANSP’s Summit саммити бўлиб ўтади.
SOCEAнинг учинчи йиллик умумий йиғилишида Европа ва Осиё аэронавигация хизматларини кўрсатувчи провайдерлар, шунингдек, халқаро авиация ташкилотлари вакиллари иштирок этмоқда.
Иштирокчилар парвозлар хавфсизлиги, аэронавигация хизматларини кўрсатувчи провайдерлар ўртасидаги ҳамкорлик ва SOCEAни янада ривожлантириш масалаларини муҳокама қиладилар.
SOCEA — ҳаво ҳаракатини бошқариш ва аэронавигация хавфсизлиги соҳасида ҳамкорлик қилиш учун Европа ва Осиёдан келган иштирокчиларни бирлаштирувчи минтақавий платформадир.
9 сентябрь куни Тошкентда CANSO Eurasia ANSP’s Summit саммити бўлиб ўтади. Унда ҳаво ҳаракатини бошқариш, алоқа, навигация ва кузатув тизимларини ривожлантириш масалалари кўриб чиқилади.
Бундан ташқари, иштирокчилар сунъий интеллектни қўллаш, авиациядаги экологик технологиялар, ҳаво оқимларини бошқариш ва ҳаво ҳудудидан самарали фойдаланишни муҳокама қиладилар.
Аэронавигация хизматларини кўрсатувчи провайдерлар ўртасидаги трансчегаравий мувофиқлаштиришга алоҳида эътибор қаратилади.