Ўзбекистон IFTM Top Resa 2026 кўргазмасида туризмни тарғиб қилиш бўйича янги ёндашувни тақдим этди
Ўзбекистон 15 сентябрь куни очилган IFTM Top Resa 2026 халқаро туристик кўргазмасида фахрий меҳмон мамлакат сифатида иштирок этди. Тадбирда мамлакат халқаро туризм майдонида ўз ўрнини белгилашга бўлган янгиланган ёндашувини тақдим этди. Ўзбекистон ўзини нафақат туристик йўналиш, балки халқаро ҳамкорлик учун маданий жиҳатдан ўзига хос ва жадал ривожланаётган шерик сифатида ҳам намоён этишга интилмоқда. Миллий делегацияга Гаянэ Умерова — раҳбар […] бошчилик қилди.
Ўзбекистон IFTM Top Resa 2026 кўргазмасида туризмни тарғиб қилиш бўйича янгиланган ёндашувни тақдим этди
Ўзбекистон 15 сентябрь куни очилган IFTM Top Resa 2026 халқаро туризм кўргазмасининг фахрий меҳмон-мамлакатига айланди. Ушбу тадбирда республика жаҳон туризм майдонида ўз ўрнини белгилаш бўйича янгиланган қарашларини намойиш этди.
Мамлакат ўзини нафақат туристик йўналиш, балки халқаро ҳамкорлик учун маданий жиҳатдан ўзига хос ва жадал ривожланаётган шерик сифатида ҳам намоён этишга интилмоқда.
Миллий делегацияга Президент Администрацияси Креатив иқтисодиёт ва туризм департаменти раҳбари, Ўзбекистон Маданият ва санъатни ривожлантириш жамғармаси раиси Гаянэ Умерова бошчилик қилди.
Мамлакатнинг янгиланган қиёфаси миллий стенд безагида ўз аксини топган. Унинг дизайнида табиий ёғоч, анъанавий ўймакорлик элементлари ва миллий декор замонавий функционал ечимлар билан уйғунлашган.
Стенд майдони ишбилармонлик ва маданий қисмларни бирлаштиради. Бу ерда Ўзбекистон вакилларининг халқаро туроператорлар ва авиакомпаниялар билан учрашувлари бўлиб ўтмоқда, ташриф буюрувчилар эса мамлакат маданияти билан яқиндан танишишлари мумкин.
Таъкидланишича, тақдим этилган концепциядан келгусида халқаро туристик кўргазмаларда Ўзбекистон миллий стендларини безашда фойдаланилади.