Ўнлаб алгоритм ўрнига битта СИ: «Яндекс» Сонаъни тақдим этди
«Яндекс» фойдаланувчиларга тавсиялар тайёрлаш учун Сона номли генератив сунъий интеллект моделини тақдим этди. Компания маълумотига кўра, у мос вариантларни топиш ва уларни саралаш вазифаларини бирлаштириб, ўнлаб алгоритмдан иборат тизим ўрнини босиши мумкин. «Алиса»ли ақлли колонкалардаги бир ҳафталик синовда тавсия қилинган мусиқаларни тинглаш вақти 6,3 фоизга ошган.
Ўнлаб алгоритмлар ўрнига битта СИ: «Яндекс» Сонаъни намойиш этди
Сона «Яндекс» маълумотлари асосида бошидан ўқитилган. Уни ишлаб чиқиш ва синовдан ўтказишда «Алиса», «Яндекс Музйка» муҳандислари ҳамда компаниянинг тадқиқот ва ишланмалар жамоаси иштирок этган.
Анъанавий тавсия тизимларида вазифалар бир нечта алгоритмга бўлинади. Улардан айримлари миллионлаб вариант ичидан мосларини топади, бошқалари эса уларни баҳолаб, қайси тартибда кўрсатилишини белгилайди.
Сона эса вариантларни танлаш ва тартиблашни битта модел ёрдамида амалга оширади.
### Модел олдинги танловлардан ўрганади
Сона фойдаланувчи аввал нималарни танлагани ва қайси контентга қайта мурожаат қилганини таҳлил қилади. Шу маълумотлар асосида у фойдаланувчига мос келиши мумкин бўлган тавсияларни шакллантиради.
Ишлаб чиқувчиларнинг таъкидлашича, бунда модел таянувчи белгиларни қўлда танлашга эҳтиёж қолмайди.
Ягона моделдан фойдаланиш тавсиялар тизимини янгилашни ҳам осонлаштиради. Анъанавий ёндашувда алоҳида алгоритмларни қайта ўқитиш ва уларни ўзаро мувофиқлаштириш талаб этилса, Сона бу вазифаларни битта тизимда бирлаштиради.
### Бир ҳафталик синов қандай натижа берди?
Муҳандислар Сонаъни «Алиса»ли ақлли колонкаларда мусиқа тавсия қилиш учун синаб кўрган. Тест гуруҳида ўнлаб алгоритмдан иборат одатий тизим бир ҳафтага янги модел билан алмаштирилган.
Компания келтирган натижаларга кўра: тавсия этилган қўшиқларни тинглаш вақти 6,3 фоизга ошган; қўшиқни қайта қўйиш ҳақидаги сўровлар қарийб 18 фоизга кўпайган; фаол тингловчилар аудиторияси