Нидерландия Ироқда ИШИДга қарши ҳарбий операциядаги 12 йиллик иштирокини якунлади

Нидерландия Ироқдаги ИШИДга қарши ҳарбий операциядаги 12 йиллик иштирокини якунлади.

Қироллик Ироқдаги «Исломий давлат» террорчилик гуруҳига қарши Inherent Resolve («Букилмас қатъият») халқаро операциясидаги иштирокини тўхтатди.

Нидерландия мудофаа вазири Дилан Йешилгёз-Зегериус маълум қилишича, сўнгги 12 йил ичида 6,3 мингдан ортиқ нидерландиялик ҳарбий хизматчи халқаро шериклар билан биргаликда террорчиларни Ироқдан сиқиб чиқаришда иштирок этган.

Қироллик Мудофаа вазирлиги маълумотларига кўра, Нидерландия операцияга 2014 йил октябрь ойида қўшилган. Ҳозирда Ироқда АҚШ бошчилигидаги аксилтеррор операцияси якунланди, бироқ миссия Сурия ҳудудида ўз ишини давом эттирмоқда. Шу билан бирга, Нидерландия Ироқ хавфсизлик кучларини тайёрлаш ва уларга маслаҳат бериш бўйича НАТОнинг алоҳида миссиясида ҳамон иштирок этмоқда.