Наманган вилоятида мактаб қозонларини харид қилишда бир миллиард сўм талон-торож қилинди
Наманган вилоятида мактаб қозонларини харид қилишда бир миллиард сўм талон-торож қилинди
Наманган вилояти Давлатобод туманида мактаблар учун иситиш қозонларини харид қилишда мансабдор шахслар иситиш ускунаси маркасини алмаштириб, бир миллиард сўмлик бюджет маблағларини талон-торож қилди.
Текширув Бош прокуратура ҳузуридаги Департаментнинг Наманган вилояти бошқармаси ходимлари томонидан терговга қадар текширув доирасида ўтказилди.
Дастлабки маълумотларга кўра, Давлатобод тумани мактабгача ва мактаб таълими бўлими мансабдор шахслари бошқа фуқаролар билан тил бириктириб, маҳаллий таълим муассасалари учун иситиш қозонларини етказиб бериш тўғрисидаги шартномани бажаришда қонунбузарликка йўл қўйган.
Шартнома шартларига кўра, ABS маркали қозонлар сотиб олиниши керак эди. Бироқ амалда LES маркали маҳсулотлар харид қилинган.
Текширув натижасида ушбу ҳаракатлар оқибатида бюджетдан бир миллиард сўм ўзлаштириш ёки растрата қилиш йўли билан талон-торож қилингани аниқланди.
Мазкур ҳолат юзасидан ўзлаштириш ёки растрата қилиш йўли билан талон-торож қилиш моддаси билан жиноят иши қўзғатилди. Тергов ҳаракатлари олиб борилмоқда.
Бундан аввал Ўзбекистонда Мактабгача ва мактаб таълими вазирлигининг бошланғич қиймати 587,2 миллион сўм бўлган тендери бекор қилинган эди. Қонунбузарликлар Рақобатни ривожлантириш ва истеъмолчилар ҳуқуқларини ҳимоя қилиш қўмитаси томонидан аниқланган.