Наманган вилояти хизматлар ҳажмини 15 фоизга оширди
2026 йилнинг январь–сентябрь ойларида Наманган вилоятида бозор хизматлари ҳажми 49,6 трлн. сўмга етди, соҳани ривожлантиришга 232,7 млрд. сўм ажратилди.
Наманган вилояти хизмат кўрсатиш ҳажмини 15 фоизга оширди
2026 йилнинг январь–сентябрь ойларида Наманган вилоятида бозор хизматлари ҳажми 49,6 трлн сўмга етди, бу ўтган йилнинг шу давридаги кўрсаткичдан 15 фоизга кўпдир.
Ҳудудда хизмат кўрсатиш соҳасини ривожлантириш учун республика бюджетидан 232,7 млрд сўм йўналтирилди. Бу ҳақда Ўзбекистон Республикаси Иқтисодиёт ва молия вазирлиги хабар беради.
Амалга оширилган лойиҳалар ҳисобига вилоятда 385 дан ортиқ янги тадбиркорлик субъекти ташкил этилди, яна 295 дан ортиқ фаолият кўрсатаётган корхона ўз фаолиятини кенгайтирди. Янги иш ўринлари сони 1950 тадан ошди.
Дастур доирасида ҳудудда учта соҳилбўйи зонаси, ўнта гавжум кўча, олтита йўлбўйи ҳудуди, бешта истироҳат боғи, шунингдек, еттита туристик ва бошқа лойиҳалар фойдаланишга топширилди.
Наманган шаҳридаги 24/7 режимида ишлайдиган кўча асосий объектлардан бирига айланди. Обиҳаёт маҳалласидан ўтувчи Лутфий, У. Носир ва Банк кўчаларининг 2 км узунликдаги қисми замонавий савдо ва хизмат кўрсатиш зонасига айлантирилди. Лойиҳа учун республика бюджетидан 4,9 млрд сўм ажратилди.
Ушбу ҳудудда умумий узунлиги 8 км бўлган 20 минг кв. м пиёдалар йўлаги реконструкция қилинди, 50 та ўриндиқ ўрнатилди, 3 км суғориш тизими ётқизилди ва 5 км лоток ўрнатилди. Боғ ҳудудидаги кўл замонавий қиёфага келтирилди.
Кўчани ёритиш ва электр энергияси билан таъминлаш учун 400 та ёриткич ўрнатилди, 3 км электр тармоқлари ётқизилди ва қуввати 400 кВА бўлган иккита трансформатор пункти ўрнатилди. Бундан ташқари, чиқиндиларни йиғиш учун ёпиқ майдонча жиҳозланди.
Натижада янгиланган ҳудудда 30 та янги тадбиркорлик субъекти очилди ва 120 дан ортиқ янги иш ўрни яратилди.
Бу ерда савдо дўконлари, умумий овқатланиш корхоналари ва маиший хизмат кўрсатиш объектлари фаолият юритмоқда, дам олиш ва сайр қилиш ҳудудлари барпо этилган. Кўчага кунлик ташриф буюрувчилар сони 2,5 минг кишидан 4,6 минг кишига ошди.
2026 йил охиригача Наманган вилоятида хизмат кўрсатиш соҳаси инфратузилмасини кенгайтиришни давом эттириш режалаштирилган. Режада — саккизта соҳилбўйи зонаси, 19 та гавжум кўча, 12 та йўлбўйи ҳудуди, бешта истироҳат боғи, шунингдек, еттита туристик объект ва кўчалар бор.
Ушбу лойиҳалар доирасида 450 дан ортиқ янги тадбиркорлик субъектларини ташкил этиш ва 200 дан ортиқ фаолият кўрсатаётган тадбиркорлар фаолиятини кенгайтириш кўзда тутилган. Янги иш ўринлари сони, режага кўра, 2100 тага яқинни ташкил этиши керак.