Миср маликаси Нефертити қабрининг тахминий жойлашуви аниқланди
Миср маликаси Нефертити қабрининг тахминий жойи аниқланди
Мисрнинг собиқ қадимий ёдгорликлар вазири Мамдуҳ ал-Дамати раҳбарлигидаги археологлар гуруҳи Тутанхамон мақбараси деворлари ортида яширин хоналар борлигига доир янги далилларни аниқлади. Натуре журналида чоп этилган мақолага кўра, шу хоналардан бирида малика Нефертитининг қабри бўлиши мумкин.
“Тўпланган маълумотлар камида битта қўшимча хона мавжудлигини кўрсатмоқда”, дейилади тадқиқотчилар ҳисоботида.
Олимлар Қироллар водийсидаги 3400 йиллик мақбара атрофини текшириш учун илк бор гравиметрик суратга олиш усулидан фойдаланди. Бу усул тупроқ зичлигидаги фарқларни аниқлашга ёрдам беради. У мақбара ичидаги радар билан бирга қўлланган.
Тадқиқот натижалари сентябр ойи бошида Миср қадимий ёдгорликлар оилй кенгашига тақдим этилган. Агар ташкилот рухсат берса, гуруҳ камералар ёрдамида ҳудудни ўрганишни давом эттиради.
Археологлар таъкидлашича, яширин мажмуа Нефертитининг қабри бўлиб чиқмаса ҳам, бу топилма катта илмий аҳамиятга эга бўлади. У Амарна оиласи ва фиръавн Ахенатеннинг яқинлари билан алоқаларни ўрганишга ёрдам беради.
2022-йилда мисршунос Заҳи Ҳавасс малика Нефертитининг узоқ вақт йўқолган қолдиқлари топилганини эълон қилган эди.