Миш-мишларми ёки ҳақиқат: турк сериаллари суратга олиш майдончасидаги жанжаллар
Миш-мишми ёки ҳақиқат: турк сериаллари суратга олиш майдончасидаги можаролар
Турк сериаллари ишқибозлари учун кутилмаган тортишувлар фақат экран асарларининг ўзида эмас, балки баъзан уларнинг суратга олиш майдончаларида ҳам юз бериши ҳеч кимга сир эмас. Бундай хабарлар орасида асоссиз миш-миш бўлиб чиқадиганлари ҳам учраб туради.
Бу ерда мухбирлар қизғин муҳокама қилган бирданига иккита шов-шувли воқеа юз берган. Биринчиси Бергузар Корелнинг Халит Эргенчга уюштирган рашк саҳнаси билан боғлиқ. Ўшанда Хуррам ва Сулаймон иштирокидаги саҳна ёзиб олинган кадрларни кўрган Бергузар “ҳақиқий туйғуларсиз бундай муҳаббатни ўйнаб бўлмайди”, деган. Эр-хотин бу хабарни инкор этган бўлса-да, мухбирлар анча вақтгача тинчишмади. Бундан ташқари, орадан бир мунча вақт ўтгач, айрим блогерлар Иброҳим пошонинг қатл саҳнаси суратга олинаётганда Халит Эргенч ва Окан Ялабик муштлашиб кетганини даъво қилишди. Гўёки актёрлар сериалдаги воқеалар ривожига турлича қарашгани сабабли бир тўхтамга кела олишмаганмиш. Бергузарнинг рашк қилганига ишонса бўлар, аммо Халит билан Оканнинг муштлашувига ишониш қийин.
Аввалига сериални Сибел Тащиоғлу тарк этди, шундан сўнг матбуотда унинг Фейза Живелек билан уришиб қолгани ҳақида хабарлар тарқалди. Кейинроқ Сила Туркўғли ва Эмраҳ Алтинтопракнинг кетиши ортидан ҳам шундай миш-мишлар пайдо бўлди. Актёрларнинг ўзлари бу борада индашмаган, фақат Фейза интервюларидан бирида ОАВда эълон қилинаётган хабарларнинг ҳақиқатга тўғри келмаслигини таъкидлаган. Бироқ кўпчилик продюсер Фарук Тургут ссенарийчи Мелис Живелекни хафа қилиб қўйишдан ҳаддан ташқари қўрқади ва шу сабабли унинг сериалдан муҳим қаҳрамонларни олиб ташлашига йўл қўяди, деб ҳисоблайди. Продюсернинг ўзи эса бундай гапларни инкор этади.
Бир пайтлар машҳур бўлган ушбу сериалнинг суратга олиш жараёнидаёқ Баҳор Шаҳин ва Мине Тугай ўртасидаги муносабатлар таранг экани ҳақида миш-мишлар юрарди, бироқ узоққа чўзилган можаронинг барча тафсилотлари ўтган йилигина маълум бўлди. Баҳор ҳамкасбини мунтазам равишда камситиш ва ҳақорат қилишда айблаб, унинг устидан бир неча бор шикоят қилганини ҳам маълум қилди. Тугай ёш актрисанинг сўзларини рад этишга уринди, аммо бунинг уддасидан чиқа олмади: Шаҳин аризалари нусхаларини эълон қилиб, энди жим турмаслигини айтди. Продюсерлик компанияси ҳеч қандай баёнот бермади, машҳурлар эса ўзаро муносабатларига ойдинлик киритишда давом этди.
Журналистларнинг ёзишича, Киванч суратга олиш жараёнида Фаҳриянинг хатти-ҳаракатларидан жуда норози бўлган. Унинг сўзларига кўра, Эвжен атрофдагиларга хизматкорлардек муомала қилган, Татлитуғнинг ўзи эса бундай муносабатни номақбул деб ҳисоблайди. Турк актёри ҳеч қандай баландпарвоз баёнотлар бермади, шунчаки бундан буён Фаҳрия билан бирга суратга тушмаслигини маълум қилди.
Ушбу машҳур лойиҳанинг иккинчи мавсумини суратга олиш жараёнида юз берган бир ҳодиса суд жараёнлари билан якунланди. Ўшанда реквизитлар тайёрлаш билан шуғулланган суратга олиш гуруҳи аъзолари Бурак Ўзчивитни судга берган. Уларнинг сўзларига кўра, бир куни Бурак чодирдан чиқиб, ищилар олдига келган ва қўпол оҳангда, беҳаё сўзлар ишлатиб, уларнинг ишини танқид қила бошлаган. Жабрланганлар судга мурожаат қилишди, бироқ узоқ давом этган суд жараёнидан сўнг Ўзчивит айбсиз деб топилди. Турк актёрининг ўзи эса воқеа бўлганини, аммо ҳеч қачон ҳеч кимни ҳақорат қилмаганини таъкидлаган.
Боран ролини ижро этган Бурч Кумбетлиоғлу иккинчи мавсум суратга олинаётган пайтда катта жанжал кўтариб, режиссёрлар ва продюсерларни номуносиб хатти-ҳаракатларда айблаган. Сериал мухлислари актёрнинг ўзига ҳам осон кечмаганини яхши билишади: айрим томошабинлар актёрни унинг қаҳрамонидан ажрата олмай, Бурчнинг ўзи ҳақида даҳшатли изоҳлар қолдиришган. “Олис шаҳар” сериалининг расмий саҳифасида Боран Алборанинг бошқа қаҳрамонлардан тарсаки еётгани акс этган лавҳалардан иборат қисқа видео эълон қилингач, вазият янада кескинлашди. Бораннинг танқидчилари бундан хурсанд бўлаётган бир пайтда, Кумбетлиоғлу ўзига қарши мисли кўрилмаган нафрат тўлқинига дуч келди. Танқидлар ва ўлим тилаклари оқими шу қадар кучли бўлдики, турк актёри продюсерлар билан жанжаллашиб, ҳатто ижтимоий тармоқлардаги шахсий саҳифасини ҳам ёпиб қўйди. Бироқ лойиҳа ижодкорлари ҳам, актёрнинг ўзи ҳам бу даъволарга изоҳ беришмади.