Месси ва Роналду «Барча даврларнинг Олтин тўпи» даъвогарлар рўйхатига киритилди
Франсе Фоотбалл янги мукофот учун овоз бериш жараёнини бошлади. ОАВ хабарларига кўра, унда иштирок этиш пулли.
Месси ва Роналду «Барча даврларнинг Олтин тўпи» даъвогарлар сафида
Лионел Месси ва Криштиану Роналду янги таъсис этилган «Барча даврларнинг Олтин тўпи» (Баллон дъОр оф Алл Тиме, Б.О.А.Т.) мукофоти учун номзодлар рўйхатига киритилди.
Даъвогарлар рўйхати 20-октабр куни эълон қилинди. Португалиялик ва аргентиналикдан ташқари, унда Алфредо Ди Стефано (Испания), Ёҳан Кройф (Нидерландия), Франс Беккенбауер (Германия), Кевин Киган (Англия), Карл–Ҳайнс Румменигге (Германия), Мишел Платини (Франсия), Марко ван Бастен (Нидерландия) ва бразилиялик Роналдо ҳам бор.
Франсе Фоотбалл мезонларига биноан, янги соврин учун фақат камида икки марта «Олтин тўп»ни қўлга киритган футболчилар номзод бўла олади. Шу сабабли рўйхатда Пеле ва Диего Марадона йўқ. Бунга 1995-йилгача мукофот фақат европалик футболчиларга берилгани сабаб қилиб кўрсатилади.
Рўйхатда жами ўн нафар футболчи бор. Мессининг ҳисобида саккизта, Роналдуда эса бешта «Олтин тўп» мавжуд. Беккенбауер, Платини, Кройф, ван Бастен ва бошқалар бу мукофотни икки-уч мартадан ютган.
Таъкидланишича, мукофот эгаси мухлислар овози орқали аниқланади. Мухлисларнинг айтишича, ҳар бир овоз учун 1 евро тўлаш керак. Берилган овоз эвазига иштирокчи «Олтин тўп» ғолибининг юқори сифатли рақамли фотосуратига эга бўлади. Шунингдек, овоз берувчилар орасида 2027-йилги тақдирлаш маросимига иккита чипта ўйналади.