Мексикада машҳур қўшиқчининг бутун оиласи қириб ташланди
Терговчилар қотилликнинг асосий назарияси сифатида шериклар ўртасидаги молиявий можарони кўриб чиқмоқдалар.
Мексикада машҳур қўшиқчининг бутун оиласи ўлдирилди
Унинг ҳомиладор рафиқаси, уч ёшли қизи, энагаси ва ити ҳам ҳаётдан кўз юмган.
СНН маълумотига кўра, полиция аллақачон икки гумонланувчини қўлга олган, улардан бири мусиқачининг дўсти ва бизнес шериги ҳисобланади.
Қотиллик 2-сентябр куни кечаси Мехико штатидаги Зона Эсмералда маҳалласида юз берган. Қўшнилар қичқириқлар ва ўқ овозларини эшитиб, полицияга мурожаат қилишган. Ҳуқуқ-тартибот ходимлари жиноят жойидан тўрт кишининг жасадини ва ўқ теккан итни топган. Мелендес оиласининг олти ёшли ўғли ҳам квартирада тирик, жароҳациз ҳолатда аниқланган. Жиноятчилар кузатув камералари ёрдамида аниқланган. 3-сентябр куни мусиқачининг дўсти ва бизнес шериги, Мелендес билан бирга мулкка эгалик қилган ҳамда уни Аирбнб орқали ижарага берган Диего Себастиан ҳибсга олинган. Иккинчи гумонланувчи Герардо Н. бўлиб, полиция унинг Диего Себастианнинг қотиллик режасини амалга оширишига ёрдам берган деб ҳисоблайди.
Терговчилар қотилликнинг асосий сабаби сифатида шериклар ўртасидаги молиявий келишмовчиликни кўриб чиқмоқда. Бу тахминни қотилликдан бир неча соат олдин Жонатан Мелендес яқин дўстларидан бирини бизнес шериги билан оғир учрашув ўтказиши ҳақида огоҳлантиргани ва агар у узоқ вақт жавоб бермаса, полицияга хабар беришни сўрагани ҳам кучайтиради. Ҳозирча иккала эркак ҳам кўрсатма беришдан бош тортган. Мексика мусиқа ҳамжамияти ва Самило Септимо гуруҳи аъзолари жабрланувчининг оила аъзолари ҳамда дўстларига ҳамдардлик билдирган.