МДҲ солиқ хизматларига раислик 2027 йилда Ўзбекистонга ўтади
Ўзбекистон 2027 йилда МДҲ мамлакатлари солиқ хизматлари раҳбарлари Мувофиқлаштирувчи кенгашида раислик қилади ва кенгашнинг навбатдаги XXXIV мажлисига мезбонлик қилади. Бу ҳақда Солиқ қўмитаси ахборот хизмати хабар бермоқда. Кенгашнинг Душанбедаги XXXIII мажлисида Ўзбекистон делегацияси «МДҲ солиқ хизматларининг технологик шериклиги» ташаббусини илгари сурди. У рақамли ечимлар билан алмашиш, қўшма илмий-амалий тадбирлар, мутахассисларни ўқитиш ва амалиёт ўташни назарда тутади, шунингдек […]
МДҲ солиқ хизматлари 2027 йилда Ўзбекистон раислигига ўтади
2027 йилда Ўзбекистон МДҲ мамлакатлари солиқ хизматлари раҳбарлари Мувофиқлаштирувчи кенгашига раислик қилади ва кенгашнинг навбатдаги, XXXIV йиғилишига мезбонлик қилади.
Кенгашнинг Душанбедаги XXXIII йиғилишида Ўзбекистон делегацияси «МДҲ солиқ хизматларининг технологик шериклиги» ташаббусини илгари сурди. У рақамли ечимларни алмашиш, қўшма илмий-амалий тадбирларни ўтказиш, мутахассисларни ўқитиш ва амалиёт ўташини ташкил этиш, шунингдек, сунъий интеллектни қўллаш бўйича намунавий низомларни ишлаб чиқишни назарда тутади.
Йиғилиш иштирокчиларига Ўзбекистоннинг солиқ тизимини рақамлаштириш ва СИдан фойдаланиш бўйича тажрибаси тақдим этилди. Хусусан, гап солиқ маъмуриятчилигини автоматлаштириш, катта ҳажмдаги маълумотларни (Big Data) таҳлил қилиш, солиқ хавфларини аниқлаш ва солиқ тўловчиларга хизмат кўрсатиш сифатини ошириш ҳақида борди.
Ўзбекистон, шунингдек, юзага келиши мумкин бўлган қоидабузарликларни аниқлаш, вўжобга келадиган бюджет йўқотишларининг олдини олиш ва ҳалол солиқ тўловчиларга маъмурий юкни камайтириш учун таҳлилий воситаларни қўллаш амалиёти билан ўртоқлашди.
Йиғилиш якунлари бўйича Ўзбекистон 2027 йил учун кенгашга раислик қилувчи томон этиб сайланди. Навбатдаги йиғилиш республикада бўлиб ўтади.