Мбаппе «диктатор» ҳақидаги ҳазили туфайли Хитойда бойкотга уçради
«Реал» ҳужумçиси ва Франсия миллий жамоаси сардори Килиан Мбаппе Хитойда можаро марказида қолди. Бунга унинг юзи Хитой етакçиси тасвирига қöйилган мем ҳақидаги гаплари сабаб бöлди. Бунга жавобан кескин çоралар кöрилди: ҳомийлар футболçи билан ҳамкорликни тöхтатди, унинг Хитой ижтимоий тармоқларидаги саҳифалари блокланди, Хитой Таşқи иşлар вазирлиги эса вазиятга муносабат билдирди.
Мбаппе «диктатор» ҳақидаги ҳазили сабаб Хитойда бойкотга учради
Можарога Франсиянинг Тҳе Бридге подкастидан олинган лавҳа сабаб бўлди. Унда футболчи ўзи ҳақидаги энг кулгили мем ҳақида сўзлаб берган. У ўз юзи, афтидан «Хитой диктатори» деб атаган инсон тасвири билан бирлаштирилган ролик ҳақида гапирган. Мбаппе Хитойнинг собиқ раиси Мао Сзедун исмини тилга олмаган, бироқ Хитойда бу сўзлар замонавий давлат асосчисини ҳақоратлаш деб қабул қилинди.
Шартномалар бекор қилинганини биринчи бўлиб Донгпенг (Эастрос) ичимликлар компанияси ва сут маҳсулотлари гиганти Менгниу эълон қилди. Шундан сўнг пишлоқ ишлаб чиқарувчи Милкгроунд компанияси ҳам ҳамкорликдан бош тортди. Бу воқеалар фонида Шанхай биржасида Эастрос аксиялари 4,1 фоизгача тушиб кетди, Гонконгда эса Менгниу тахминан 3 фоиз йўқотди.
Чекловлар медиа соҳасига ҳам таъсир қилди. Хабарларга кўра, ССТВ телеканали ўйинчи иштирокидаги рекламаларни эфирдан олган, у қатнашган ўйинлар намойишини тўхтатган ва Веибўдаги саҳифасидан у билан боғлиқ постларни ўчириб ташлаган. Мбаппенинг ҳар бири миллионга яқин обуначига эга Веибо ва Хиаоҳонгшу тармоқларидаги расмий саҳифаларига қоидабузарлик ҳақида белги қўйилиб, улар чеклаб қўйилди. Донгқиуди спорт портали эса футболчининг сўзларини Хитой учун ҳақоратли деб атаб, уларни таржима қилишдан бош тортди.
27-октабр куни бўлиб ўтган брифингда Ташқи ишлар вазирлиги расмий вакили Го Сзякунга ушбу можаро юзасидан савол берилди. У хитойликларнинг ҳис-туйғуларига тегадиган сўз ва хатти-ҳаракатлар муқаррар равишда бутун жамиятнинг якдил қаршилигига учрашини таъкидлади. Бироқ дипломат қандайдир аниқ чоралар ҳақида гапирмади.
Ўша куниёқ Мбаппе ўз сўзларидан ранжиган барчадан узр сўради ва бу изоҳи ноўрин бўлганини тан олди.