Машҳур ҳинд молиявий блогерининг ўз жонига қасд қилишидан сўнг Ютубер ҳибсга олинди

Ҳиндистонлик машҳур молиявий инфлюэнсернинг ўз жонига қасд қилишидан сўнг блогер қўлга олинди

В Ҳариш "Финансе витҳ Ҳариш" деб номланган жуда оммабоп Инстаграм саҳифасини юритган

Ҳиндистонда 27 ёшли молиявий инфлюэнсернинг ўз жонига қасд қилиши кибербуллинг (тармоқдаги таъқиб) айбловлари билан чирмашиб кетди ва инвесторларга ким молиявий маслаҳат беришга ҳақли экани ҳақида баҳсларга сабаб бўлди.

"Финансе витҳ Ҳариш" номли кўп сонли кузатувчиларига эга Инстаграм аккаунтини бошқарган В Ҳариш сешанба куни эрталаб Ҳиндистон жанубидаги Тамилнаду штати пойтахти Ченнаи яқинидаги уйида ўлик ҳолда топилган.

Унинг ўлими Мета компанияси томонидан қоидабузарликлар ҳақидаги шикоятлардан сўнг унинг аккаунти блокга туширилганидан бир неча ҳафта ўтиб юз берди.

Милицияга берилган аризада унинг отаси Ж Винаягам ўғли "Земуриа" технология венчур студияси бош ижрочи директори ва блогер Жейсон Самуэл томонидан интернетдаги таъқиблар сабабли ўз жонига қасд қилганини таъкидлади.

Милиция Самуэлни пайшанба куни кечқурун "Ҳаришдан пул ундиришга уриниш" ва "социал тармоқларда унга қарши туҳматона видеолар жойлаштириш"да гумон қилиб қўлга олди.

У бундан олдин Х (Твиттер)даги постида ҳеч қандай ноқонуний иш қилмаганини рад этган эди.

Ушбу деклорация Ҳиндистонда молиявий контент яратувчиларнинг таъсири кенгаяётганини кўрсатди, у ерда миллионлаб янги инвесторлар бозор бўйича йўриқнома олиш учун ижтимоий тармоқларга тобора кўпроқ таянмоқда.

Ҳариш тахминан беш йил олдин молия ва инвестицияга оид видеоларни жойлаштиришни бошлаган ва катта онлайн аудитория йиғган.

Вақт ўтиши билан у 1500 дан ортиқ видео юклаган ва 1,3 миллиондан ортиқ Инстаграм кузатувчиларига эга бўлган. У ўзини "миллионерлар" ва "йирик капиталга эга шахслар"нинг молиявий маслаҳатчиси сифатида таърифлаган.

У акциялар бозорининг кўтарилиши ва тушиши ҳамда олтин ва кумуш нархларини муҳокама қилишда драматик видеолар яратиш учун мусиқа, фильм парчалари ва жаҳон сиёсий етакчиларининг сўнгги суратларидан тез-тез фойдаланган.

Молиявий мавзуларни оддий тилда тушунтириб берган бу видеолар, айниқса 2020 йилги Ковид-19 пандемиясидан бери Ҳиндистонда чакана инвесторлар базасининг кескин ўсишига тўғри келгани учун жуда оммалашиб кетди.

Шу йил бошида Ҳиндистоннинг энг йирик фонд биржаси бўлмиш Миллий фонд биржаси 2019 йилдаги 30 миллиондан кам бўлган кўрсаткичга нисбатан ҳозирда 130 миллиондан ортиқ ягона рўйхатдан ўтган инвесторларга эга эканини маълум қилди.

Бироқ сентябр ойида Мета Ҳаришнинг Ҳиндистон бозорини тартибга солувчи Қимматли қоғозлар ва биржалар кенгашида (Себи) рўйхатдан ўтмагани ҳақида шикоятлар олганидан сўнг унинг Инстаграм саҳифасини ўчириб ташлади, ваҳоланки инвестиция бўйича маслаҳат бериш ёки клиентлар портфелини бошқариш учун қонунан шундай рўйхатдан ўтиш талаб қилинади.

Тез орада 60 000 дан ортиқ кузатувчини жалб қилган захира аккаунти ҳам кейинчалик олиб ташланди.

Инстаграмда унинг номи остида яна бир нечта аккаунтлар сақланиб қолган, аммо уларнинг кузатувчилари жуда кам ва уларни ким бошқариши номаълум.

Ҳаришнинг дўстлари ва оиласига таяниб НДТВ хабар беришича, у ўлимидан олдин видеомурожаат ёзиб олган ва унда "беш йиллик меҳнати ўғирланганини" айтган.

Ижтимоий тармоқларда кенг тарқалган видеода у ота-онаси, синглиси, дўстлари ва кузатувчиларига "Жуда афсусдаман" дейишдан олдин тамил тилида гапириб, сўнг инглиз тилига ўтганини кўриш мумкин.

Мета Ҳаришнинг аккаунтини Себида рўйхатдан ўтмагани ҳақидаги шикоятлардан сўнг ўчириб ташлади, бу эса қонунга кўра инвестиция бўйича маслаҳат бериш ёки клиентлар портфелини бошқариш учун зарурдир.

Милициянинг билдиришича, Ҳаришнинг отаси Ж Винаягам ўғлининг ўлимида "кибербуллинг, ижтимоий тармоқлардаги туҳматона постлар ва унинг каналларини қайта-қайта блокланиши"ни айблади ва Ченнаи яқинидаги Канатур милиция бўлимига топширган аризасида Жейсон Самуэлнинг номини келтирди.

Самуэл 18 октябр куни ўзининг Ютуб каналида Ҳаришда Себи ёки Амфи (Ҳиндистондаги Пай фондлари ассоциацияси) рўйхатидан ўтмагани сабабли унинг ваколатларини сўроқ остига олувчи видео жойлаштирган эди. Видеода у Ҳаришнинг Инстаграм аккаунти шикоятлардан сўнг ўчирилганини айтган.

Винаягамнинг айтишича, бу нарса шафқатсиз онлайн таъқибларни келтириб чиқарган ва ўғлини ўз жонига қасд қилишга мажбур қилган босимларни яратган.

"Биз тегишли тергов ўтказилишини ҳамда ижтимоий тармоқларда туҳмат тарқатган ва кибербуллинг орқали руҳий азият етказган Жейсон Самуэл ва унинг шерикларига нисбатан қонуний чора кўрилишини талаб қиламиз", дейилади унинг аризасида.

Милиция баёнотида айтилишича, Винаягамнинг аризаси "ўзини ўзи ўлдириш даражасига етказиш" моддаси бўйича рўйхатга олинган ва дастлабки тергов Самуэлнинг "ушбу ишда алоқаси" борлигини аниқлаган.

"[Самуэл] судга олиб келинади ва қамоққа олинади", дейилади унда.

Самуэл Ҳаришнинг ваколатлари йўқлиги ҳақида хавотир билдирган видеосини ҳимоя қилиб, истеъмолчилар манфаати учун ҳаракат қилганини айтди.

Х (Твиттер)даги баёнотида Самуэл "юз берган ҳодисадан чуқур қайғудаман, изтиробдаман, шокдаман ва қотиб қолдим ҳамда бу жудолик учун мотам тутаман" деди.

Бироқ, у Ҳаришни "кибербуллинг" қилгани ҳақидаги айбловларни рад этди.

"Мен уни кибербуллинг қилмадим. Мен унда лицензия ва ваколат йўқлигини, лицензияни сохталаштириш ва фирибгарликни... унинг ноқонуний фаолиятини кўрсатиб бердим.

Мен видеода ундан қайтиб келиб, буни тегишли Себи лицензияси билан қилишни сўрадим. Мен ҳеч қачон бундай кескин чора бўлишини ниятида бўлмаганман ёки кутмаганман ва бу йўқотишдан қайғудаман", деб ёзди у.