Мета Ҳиндистонда болаларга оид зўравонлик материаллари ҳақида бевосита ҳукуматга хабар беради
Мета Ҳиндистонда болаларга оид зўравонлик материаллари ҳақида энди бевосита ҳукуматга хабар беради
Бунга ББС Эе суриштируви туртки бўлди. Июл ойида чоп этилган суриштирув Инстаграм Ҳиндистонда бундай материалларни тарғиб қилувчи пуллик рекламаларни жойлаштираётганини аниқлаган эди.
Шундан сўнг Ҳиндистон ҳукумати Метаъга болаларга нисбатан зўравонлик ва ахлоқсизликни тарғиб қилувчи барча реклама ҳамда контентларни ўчиришни буюрди.
“Платформаларимизда болаларни ҳимоя қилиш — устувор вазифамиз ва биз ушбу жиноятларни содир этганларнинг жавобгарликка тортилишини таъминлаш учун ҳукумат билан ҳамкорликка тайёрмиз”, деди Мета матбуот котиби. “Ушбу зарарга қарши курашиш бўйича саъй-ҳаракатларимизни биргаликда кучайтириш учун Мета энди болалар хавфсизлиги масалаларини тўғридан тўғри Ҳиндистон Кибержиноятларни мувофиқлаштириш маркази томонидан бошқариладиган Кибержиноятчилик порталига юборади”.
И4С номи билан танилган Ҳиндистон кибержиноятчиликни мувофиқлаштириш маркази мамлакат ички ишлар вазирлиги қошида фаолият юритади.
Мета қачондан ва айнан қандай ҳолатлар ҳақида ҳукуматга бевосита ҳисобот юбора бошлаши ҳозирча номаълум.
Шу пайтгача Мета болаларни эксплуатация қилиш ҳолатлари бўйича қонунга мувофиқ АҚШдаги НСМЕС марказига (Бедарак йўқолган ва эксплуатация қилинган болалар миллий марказига) хабар беришини айтиб келган. Ўз навбатида, марказ тегишли ҳисоботларни бошқа мамлакатларнинг ҳуқуқни муҳофаза қилиш органларига юборади.
Аввалроқ Туркияда оила ва болаларни ҳимоя қилиш бўйича кенг кўламли операция бошланганди. Операция давомида ахлоққа зид материаллар, жумладан, болаларга оид контентларни тайёрлаш ва тарқатишда гумонланаётган шахслар ҳам алоҳида текширилмоқда.