Марко Рубионинг Ўзбекистонга ташрифининг янги тафсилотлари маълум бўлди

Марко Рубионинг Ўзбекистонга ташрифига оид қўшимча тафсилотлар маълум бўлди

АҚШ давлат котиби Марко Рубио Марказий Осиё ва Ҳиндистонга сафари доирасида 17–22 октябрь кунлари Самарқандга ташриф буюради. Ўзбекистонда у C5+1 форматидаги учрашувда иштирок этади ва 200 дан ортиқ компания раҳбарлари кирадиган АҚШ делегациясига бошчилик қилади.

АҚШ Давлат департаменти матбуот котиби офиси хабар беришича, ташриф Вашингтоннинг Марказий Осиё мамлакатлари билан стратегик ҳамкорлигини мустаҳкамлашга, шунингдек, савдо ва инвестиция алоқаларини кенгайтиришга қаратилган.

Самарқандда Рубио АҚШ ва минтақанинг беш мамлакати — Ўзбекистон, Қозоғистон, Қирғизистон, Тожикистон ва Туркманистонни бирлаштирувчи C5+1 вазирлар учрашувида иштирок этади. Бундан ташқари, ҳар бир мамлакатнинг юқори мансабдор вакиллари билан икки томонлама музокаралар ўтказилиши режалаштирилган.

Алоҳида урғу иқтисодиётга қаратилади: давлат котиби АҚШ компанияларининг 200 дан ортиқ раҳбарларидан иборат делегацияга бошчилик қилади. Давлат департаменти маълумотларига кўра, бу АҚШнинг минтақадаги энг йирик бизнес-миссияси бўлиб, савдо ва инвестиция алоқаларини ривожлантиришда янги босқич бўлиши керак.

Самарқанддан сўнг Рубио Ҳиндистонга жўнаб кетади ва у ерда Мумбаи ҳамда Жамнагарда учрашувлар ўтказади. Муҳокамалар марказида стратегик шериклик, энергетика ва янги инвестиция лойиҳалари бўлади.

Аввалроқ АҚШнинг Жанубий ва Марказий Осиё бўйича махсус вакили Сержио Гор Рубионинг юзта компаниядан иборат делегация билан ташрифи ҳақида хабар берган эди, аммо эндиликда бизнес-етакчилар сони икки бараварга ошди.